«ГУБАЗіК спецыяльна нагнятае сітуацыю, каб напалохаць беларусаў». Што цяпер будзе з сэрвісам Пісьмо.бел і данымі тых, хто ім карыстаўся?
Сёння ў адным з праўладных тэлеграм-каналаў з'явілася відэа з Ігарам Углікам і Аляксандрам Лыкшыным — стваральнікамі сэрвіса Пісьмо.бел, праз які ўсе ахвотныя маглі адправіць лісты палітвязням. Што цяпер будзе з гэтым сэрвісам і данымі людзей, якія праз яго пісалі, высветліла «Люстэрка».
Па якім артыкуле затрымалі Ігара і Аляксандра, невядома, але мяркуючы па відэа, ім закідаюць удзел у пратэсных маршах.
«Цяпер хлопцы знаходзяцца ў СІЗА-1 на Валадарскага. Больш за ўсё страшна за Ігара, у яго цяжкая хвароба, ён інвалід дзяцінства, гэта дакументальна пацверджана», — на ўмовах ананімнасці расказала «Люстэрку» крыніца, знаёмая з сітуацыяй.
Паводле суразмоўцы, ніякай пагрозы для людзей, якія карысталіся сэрвісам Пісьмо.бел, з-за магчымага атрымання сілавікамі доступу да асабістых даных, няма:
«Пісьмо.бел — афіцыйна зарэгістраваная арганізацыя, у якой была дамова з РУП «Белпошта». Як ні круці, уся інфармацыя пра адпраўнікаў была і ў пошты, і ў Дэпартамента выканання пакаранняў, і ў сілавікоў.
Інфармацыя пра плацяжы на серверах Пісьмо.бел не захоўвалася, гэтым займаюцца спецыяльныя аплатныя сістэмы.
Гэта не нейкая адчувальная інфармацыя, якую сілавікі не маглі атрымаць раней. Мне здаецца, што ГУБАЗіК спецыяльна нагнятае сітуацыю, каб напалохаць беларусаў, якія пісалі лісты палітвязням праз гэты сэрвіс».
Пры гэтым, як сцвярджае крыніца, толькі 10% адпраўленняў, якія праходзілі праз сэрвіс Пісьмо.бел, былі адрасаваныя палітычным зняволеным:
«Палітычныя зняволеныя — гэта не той сегмент, на які былі нацэленыя стваральнікі сэрвісу, так заўсёды было. Асноўныя атрымальнікі — гэта шараговыя зняволеныя, іх чыста статыстычна больш у СІЗА і калоніях.
Сэрвіс Пісьмо.бел працягвае працу, нягледзячы на затрыманне двух супрацоўнікаў».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары
Лукашенко такое любит, поощряет, одобряет и тащится.
Ох...шиее и безнаказанное отродье, превращённое в преступные банды и штурмовые отряды лукашенко.....