Культура44

Сядзібу Абуховічаў у Нясвіжскім раёне зачысцілі ад гістарычных будынкаў

У Вялікай Ліпе знішчылі будынкі бровара і свірана на гаспадарчым двары былой шляхецкай сядзібы. Паводле закона гэта забаронена, але мясцовыя чыноўнікі карыстаюцца пралазамі, каб навесці татальны парадак. 

Бровар да зносу. Фота: Гугл Карты

Пра знішчэнне каштоўных будынкаў паведаміў тэлеграм-канал «Спадчына».

Актывісты адзначылі, што на спадарожнікавых здымках мясцовасці пакуль не бачна зменаў, але бачна, што да 2022 года ўжо паспелі зачысціць рэшткі агароджы і аднапавярховую прыбудову да бровара. Цяпер знішчылі і астатняе.

Драўляны свіран да зносу. Фота: тэлеграм-канал «Спадчына»
Галерэя свірна. Фота: fotobel.by

Гаспадарчы двор размешчаны на поўначы ад галоўных будынкаў сядзібы. На сёння тут быў знішчаны двухпавярховы цагляны будынак бровара, узведзенага ў 1926 годзе, гаспадарчая пабудова побач з ім і больш познія вытворчыя збудаванні. А трохі на ўсход ад бровара знеслі прыгожы драўляны свіран. 

Мы адшукалі, як цяпер выглядае месца, дзе нядаўна знаходзіўся бровар.

Месца, дзе раней стаяў бровар. Фота: Яндэкс Карты

Сядзіба Абуховічаў была пабудавана ў канцы ХІХ — пачатку ХХ стагоддзя. Комплекс сядзібы ў складзе ўязной брамы, стайняў і свірана ўключаны ў Дзяржаўны спіс гісторыка-культурных каштоўнасцей. Знесеныя пабудовы такога статусу не мелі, але паколькі для сядзібы не быў распрацаваны праект зон аховы, то немагчыма казаць, якія тэрыторыі адносяцца да гэтага помніка архітэктуры і якія збудаванні на яго тэрыторыі лічацца каштоўнымі.

Праз гэта заканадаўства забараняе ў такіх выпадках распрацоўку праектнай дакументацыі, «рэалізацыя якіх можа аказаць уздзеянне на нерухомыя матэрыяльныя гісторыка-культурныя каштоўнасці». Праўда, як адзначаюць актывісты, гэтае абмежаванне лёгка абыходзіцца, бо знос не патрабуе праекта.

Стан свірана, які знаходзіцца пад аховай дзяржавы, у 2022 годзе. Фота: Onliner

Нягледзячы на тое, што астатнія будынкі ўзяты пад ахову дзяржавы, выглядаюць яны ў разы горш за тыя будынкі, якія былі знесены, каб навесці «парадак».

Як адзначаюць спецыялісты, у апошнія гады праводзяцца маштабныя кампаніі па зносе ўсяго, што на сёння не выкарыстоўваецца. Без разбору ўзрываюцца і зносяцца старыя бровары, млыны, казармы і іншыя пабудовы, якія могуць мець каштоўнасць.

«Наша Нiва» — бастыён беларушчыны

ПАДТРЫМАЦЬ

Каментары4

  • Максим Дизайнер
    04.12.2023
    Ёсік, 

    Прекрасная идея, батенька!Воткнуть еще одного Ленина!Или местного царька коммуняку.
  • шщ
    06.12.2023
    Беларусь должна быть чиста и невинна. Никаких Польских наслоений. По хорошему и киевских тоже. Молодая Республика Партизанка.... 
  • Het maskawity
    10.12.2023
    Het usio maskawitskaje z chystaj Litvy Belarusi!

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць