Рэшткі хлеба можна без асаблівых высілкаў ператварыць у просты дэсерт. Аднак калі вы дадасце свежую ці сушаную садавіну і спецыі, гэты просты дэсерт адразу стане асаблівым.
Дэсерты з учарашняга ці проста злёгку счарсцвелага хлеба папулярныя ў розных кухнях. З французскага хлеба на заквасцы робяць запяканку, прыпраўленую карыцай, а ў Латвіі ўсім вядомы салодкі пачастунак з жытняга хлеба, варэння і ўзбітых вяршкоў. Прапанаваны рэцэпт — адзін з самых простых у свеце хлебных дэсертаў.
Хлебны пудынг выдатна спалучыцца з кампотам ці чаем. Калі хочаце атрымаць больш вытанчаны варыянт гэтага дэсерту, дадайце перад выпечкай жменю шакаладнай стружкі.
Вам спатрэбіцца:
- 2 кубкі малака
- 2 лыжкі несалёнага масла плюс яшчэ трохі для змазвання формы
- 1 лыжка ванільнага экстракту
- 1 шклянка цукровага пяску
- дробка солі
- палова буханкі салодкага яечнага хлеба, нарэзаная кубікамі па 5 см
- 2 яйкі, узбітыя
- спецыі на жаданне: карыца, мускатны арэх, духмяны перац і кардамон
Як гатаваць:
- Нагрэйце духоўку да 180 градусаў. У невялікай каструлі на слабым агні нагрэйце малако, масла, ваніль, цукар і соль. Гатуйце, пакуль масла не растане; астудзіце. Тым часам вышмаруйце маслам форму для выпечкі і напоўніце яе хлебам, нарэзаным кубікамі.
- Дадайце яйкі ў астылую малочную сумесь і ўзбіце; выліце сумесь на хлеб.
- Выпякайце 30-45 хвілін або пакуль крэм не застыне, але ўсё яшчэ будзе трохі зыбкім, а краі хлеба не падрумяняцца. Падавайце цёплым або пакаёвай тэмпературы.
Больш пра ежу:
Колькі можна захоўваць замарожаныя прадукты і ці можна замарожваць іх паўторна
Сырнікі з рыкоты. Рэцэпт і падказкі, як гатаваць
Трубачка ў карыцы — чэшскі трдзельнік. Гатуем дома: рэцэпт і сакрэты
Сезон граната пачаўся. Вось некалькі рэцэптаў з гранатам, пра якія вы не падумалі б
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары