Свет88

Расійская апазіцыя мае сваю ботаферму, якая каментуе і «палітыку Беларусі»

Днямі з'явілася публікацыя, што расійская апазіцыя нібыта стварыла ботаферму на ўзор знакамітай прыгожынскай «фабрыкі троляў». Як і «прыгожынцы», супрацоўнікі гэтай фермы за грошы, але з процілеглых пазіцый пішуць каментары пад публікацыямі СМІ або ў гарадскіх пабліках. А ў процівагу «тролям» называюць сябе «эльфамі».

Фота: Volodymyr Herasymchuk / vecteezy.com

Матэрыял пра апазіцыйную ботаферму 15 лістапада апублікавала выданне «СВТВ», якое належыць расійскаму лібертарыянцу Міхаіла Светаву. Таксама ў адкрыты доступ быў зліты архіў з інструкцыямі і прыкладамі каментароў.

Аўтар артыкула ў якасці асноўнага бенефіцыяра праекта называе Фонд барацьбы з карупцыяй Аляксея Навальнага, хоць сам ФБК сваю сувязь з ботамі адмаўляе, і прамых доказаў таго, што ён з імі звязаны, ніхто не прыводзіць.

У той жа час у ранейшых публікацыях на гэтую тэму «эльфаў» звязвалі з амерыканскім фондам «Свабодная Расія» (Free Russia Foundation). Нібыта менавіта ў яго офісе працуюць каментатары, а прадстаўнікі фонду вядуць перапіску з імі пра грошы і змены.

«Эльфы», як сцвярджаецца, маюць офісы ў Вільні і Тбілісі. Журналіст Андрэй Захараў пісаў, што, паводле ацэнкі былога супрацоўніка ботафермы, у літоўскім офісе працавалі каля 20 чалавек, а ўсяго — 75. Захараў мяркуе, што ўцечка інфармацыі адбылася з офіса ў Вільні.

Сярод розных кірункаў дзейнасці «эльфаў», як заўважыла выданне «Медыязона», быў і беларускі. Па «палітыцы Беларусі» нібыта працавала «падраздзяленне з 50 чалавек». Падчас змены работнікі павінны былі пакідаць каментары да навінавых паблікаў і ролікаў на ютубе.

У архіве з данымі ёсць справаздачы аб праведзенай працы — скрыншоты паведамленняў і рэакцыі на іх. У дакуменце «Копія наратываў» на тэму «Беларусь» прапануецца пакідаць каментары пра тое, што Лукашэнка «ўсе апошнія гады віхляў і займаў палавіністыя пазіцыі», а «цяпер Пуціна паўпазіцыі не задавальняюць». Нагадваць, што «Беларусь на пятым месцы па колькасці санкцый» і гэта «не ў інтарэсах» краіны.

Аўтар інструкцыі прапануе ў каментарах нагадваць, што ў Беларусі ёсць «законна абраны прэзідэнт — і гэта не Лукашэнка, а Святлана Ціханоўская». На тэму «Лукашэнка і Пуцін — перамовы» прапануецца пакідаць каментар «Пуцін з Лукашэнкам — гэта прамая рэінкарнацыя Гітлера і Мусаліні». А пасты аб «мэтах і задачах Саюзнай групоўкі войскаў» рэкамендуецца каментаваць так: «Магу падказаць, у вас павінна быць адна мэта: сысці з чужой зямлі».

Памілаванне Рамана Пратасевіча прапаноўвалася каментаваць, выкарыстоўваючы фразы «Пратасевічам скарысталіся», згадваць, што «жыццё Пратасевіча было разбуранае старым дыктатарам», але сам ён пры гэтым «прадаў душу», і раіць «ніколі не супрацоўнічаць з дыктатарскімі рэжымамі».

Трэба сказаць, што сама наяўнасць «фабрыкі эльфаў» выклікала ў расійскіх апазіцыйных колах сур'ёзную дыскусію, якая круціцца адносна таго, наколькі этычна выкарыстоўваць у сваёй дзейнасці такія самыя брудныя інструменты, што і праціўнік. І думкі тут разыходзяцца.

Каментары8

  • Лол
    17.11.2023
    Дык усё нармальна- Ціханоўская прэзідэнт. Упэўнены, там сярод іншага, гэта кепскі Пазняк, увесь нацыянальны рух, Полк Каліноўскага, а ў Беларусі трэба тры дзяржаўныя мовы.
  • Jacuś
    17.11.2023
    Лол, проснитесь, ваша виртуальная Беларусь, с Вильней, Зеноном, и ппк размером в 50 тысяч штыков, и вся на мове, существует только в ваших грезах.
  • Muryn
    17.11.2023
    Jacuś , вядома, вось і бот знайшоўся.

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?5

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

Загадкавая 8-метровая металічная скульптура з'явілася ў Валожыне3

Прэзідэнтам Польшчы стаў Наўроцкі — 51%35

Выбары ў Польшчы: экзіт-полы з улікам галасоў за апошнія гадзіны галасавання вывелі ў лідары Наўроцкага5

Беларускі фермер раскладаў вогнішчы на полі, каб выратаваць клубніцы2

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?5

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць