Грамадства2525

Муж Вольгі Бондаравай пра жонку: Характар у яе такі

Блогер Андрэй Павук паразмаўляў з мужам скандальнай прыхільніцы «рускага свету» Вольгі Бондаравай. А пасля абмеркаваў яе з гомельскім правакатарам.

Муж Вольгі Бондаравай і Андрэй Павук Муж Ольги Бондаровой и Андрей Паук. Husband of Olga Bondarova and Andrey Pavuk
Скрын відэа belsat_life / YouTube

«Жыццё ў яе такое»

Андрэй Павук пад выглядам міліцыянера паспрабаваў угаварыць мужа Вольгі Бондаравай Аляксандра ўгаманіць сваю жонку. Размову ён апублікаваў у «Шухер-шоу» на «Белсаце».

«Скажы ёй, што моцна ініцыятыву праяўляе. Ужо надакучыла», — папрасіў блогер і атрымаў прапанову пазваніць самому наўпрост Бондаравай.

«Я ёй званіў. Яна не хоча слухаць. Ты ёй перадай. Як мужык ты ёй прыгразі», — настойвае блогер.

«Сам вазьмі і паспрабуй», — з ухмылкай у голасе адказаў муж і рассмяяўся.

«Чаго ёй не жывецца ціха?» — распытваў Павук.

«Чалавек такі. Жыццё ў яе такое. <…> Характар у яе такі», — адказаў Аляксандр. А раней жонка не актыўнічала, бо дачку расціла.

У далейшай размове Павук прапанаваў мужу «трохі прыкласці руку», каб утаймаваць Бондараву. Мужу такая прапанова не спадабалася.

«Я кахаю сваю жонку. Я не буду яе біць», — запэўніў ён.

А пасля сказаў Павуку, які перайшоў на беларускую, што не разумее яго мовы.

«Гэта ў нас цяпер праблема краіны»

Пазней Андрэй Павук вырашыў абмеркаваць Бондараву з гомельскім дальнабойшчыкам і правакатарам Яўгенам Катляровым (той нядаўна разыгрываў актывістку, а тая вырашыла, што ён украінец, і стала патрабаваць адказаць, чый Крым).

«Табе падабаюцца яе ініцыятывы?» — спытаў Павук.

«Мне ўвогуле ніякія ініцыятывы не падабаюцца. Я тут сам пад артыкулам хаджу. Таму сказаць, што я поўнасцю свабодны, гэта нічога не сказаць», — стаў жаліцца Катляроў.

«На мяне было сем заяваў у суд ад міліцыі. Я сем заяваў за лета адстраляў. І ўсе выйграў, зразумела».

Што праўда, а што не ў словах гомельскага правакатара, складана сказаць. Але праблемы з міліцыяй у яго насамрэч былі. «Флагшток» расказваў, як у маі Катляроў прыехаў на месца ДТЗ у Гомельскім раёне, а міліцыя і пацярпелыя ў ДТЗ прынялі яго за віноўніка аварыі. Катляроў распырскваў слезацечны газ і быў затрыманы міліцыяй.

Пасля яму сталі прыходзіць позвы з РАУС і суда па іншых справах. Было вядома пра тры адміністрацыйныя пратаколы — за прычыненне шкоды, ухіленне ад яўкі ў орган, які вядзе адміністрацыйны або крымінальны працэс, і дробнае хуліганства (арт.19.1 КаАП РБ) за ўжыванне нецэнзурнай лексікі ў адным з відэа на ютуб-канале.

На пытанне, чым Катляроў можа не падабацца міліцыі, калі ён свой, патрыёт, Павук пачуў у адказ: «З чаго ты ўзяў, што патрыёт — гэта свой? Не, дарагі. Патрыёт — гэта не свой. Патрыёт гэта, можа быць, чалавек розных поглядаў. Можа быць, ён сатаніст. Чаму ён не можа быць сатаністам, баптыстам ці камуністам?»

Бондараву правакатар назваў «праблемай краіны».

«Вось тут праблема ў чым? Вы ўсе, змагары, зʼехалі. А гедыміны нашы (так ён назваў радыкальных лукашыстаў і «рускамірцаў». — НН) засталіся. А іх не выгнаць. Яны чапляюцца пальцамі, кіпцюрамі. Яны хочуць зʼехаць. Калі б яны за вамі зʼехалі, была б увогуле выдатная краіна».

Чытайце яшчэ:

Упаўнаважаны па справах рэлігій запярэчыў Бондаравай

«Чый Крым, кажы. Слабо?» Бондарава наехала на гомельскага правакатара

«Хтосьці за ёй стаіць». Чаму чыноўнікі слухаюцца Бондараву

Каментары25

  • а ёп...
    12.11.2023
    о, госпадзе, Рэд., што вы мяне так не беражэце? куды мне такія жахі (я пра скрын відэа) на ноч гледзячы?..
  • Will
    12.11.2023
    Не разумее беларускую - маскавіт, чужынец.
  • Бобр
    12.11.2023
    Прикольно. Представляю так дружественно беседуют Лукашенко и Тихоновская

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць