Міністр замежных спраў Сяргей Алейнік паціснуў руку дарадцу Святланы Ціханоўскай Франаку Вячорку на палях Генасамблеі ААН. Пра гэта Вячорка расказаў у інтэрв'ю Змітру Лукашуку ў сённяшнім эфіры «Еўрарадыё».
«Была сітуацыя, насамрэч, такая нечаканая для мяне. Выходзіў Алейнік, я стаяў у калідоры, ён сам падыходзіць да мяне, глядзіць на мяне, паціскае руку і кажа: «Добры дзень». Ён, канешне, паставіў мяне ў ступар, таму што ў мінулым годзе дэлегацыя Макея ўцякала ад нас. Уцякала, бегла кудысьці. Гэтым разам яны самі падышлі.
Размовы не было ніякай, гэта было проста вітанне, а потым яны пайшлі. Разам з ім быў Глаз, быў шэраг яшчэ чыноўнікаў дэлегацыі. Але гэта пакуль што ўся камунікацыя, якая ў нас была з ім.
Ясна, што яны працуюць на варожыя сілы, яны працуюць на Лукашэнку. Чакаць, што яны пяройдуць на наш бок на Генасамблеі, у нас атрымаецца перацягнуць іх на бок свабоднай Беларусі, — не. Але я думаю, што яны прызнаюць нас як апанентаў, гэта відавочна. І наша задача проста іх перамагчы», — расказаў Вячорка.
«Няма ніводнай хартыі ААН, якую б Лукашэнка не парушыў». Святлана Ціханоўская звярнулася да Арганізацыі Аб'яднаных Нацый
Беларуская спецдакладчыца ААН, якая «адмывае» дыктатуры ад санкцый. Хто такая Алена Доўгань
Святлана Ціханоўская сустрэлася ў Нью-Ёрку з лідарамі габрэйскай супольнасці
Ціханоўская знаходзіцца на Генасамблеі ААН у Нью-Ёрку. Яна сустрэлася з віцэ-прэзідэнткай Microsoft
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары