Прапагандысцкі рэсурс апублікаваў спіс атрымальнікаў грантаў Нямецкага фонду Маршала за 2018—2019 гады
Сярод пералічаных у дакументах — навуковыя, культурныя, адукацыйныя і праваабарончыя праекты.
У паведамленні ананімнага прапагандысцкага канала лукашысцкай скіраванасці пералічваюцца «небезвядомыя нам заходнія структуры», якія аказвалі падтрымку беларускім недзяржаўным арганізацыям, а дзясяткі беларускіх арганізацый з сацыяльнай сферы, а таксама сфер навукі, СМІ, культуры, адукацыі, якія гэтай падтрымкай карысталіся.
З канкрэтных дакументаў апублікаваны спіс атрымальнікаў грантаў Нямецкага фонду Маршала за 2018—2019 гады. Сярод пералічаных у ім — непалітычныя культурныя, адукацыйныя і праваабарончыя праекты.
«Прадстаўленыя дакументы паказваюць маштабнае ўліванне сродкаў у БЧБ-рух у перыяд 2017—2019 гадах. Згодна з наяўнай у нас інфармацыяй, на падтрымку беларускай апазіцыі было выдзелена больш за 1,4 млн даляраў», — заяўляюць аўтары публікацыі.
Гэтая публікацыя, як і папярэднія такога роду, падводзіць маральны грунт пад масавыя рэпрэсіі, якія ідуць у краіне з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу. У рэпрэсіі ўцягнутыя як Міністэрства ўнутраных спраў, так і Камітэт дзяржаўнай бяспекі, Генеральная пракуратура і Следчы камітэт.
З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя нават базавыя нормы законнасці і маралі.
У новай публікацыі лукашэнкаўцы прызнаюць, што рэпрэсіі і прапаганда не змянілі настрояў грамадства. І сёння «найбольшая колькасць падпісчыкаў … належыць менавіта апазіцыйным рэсурсам, а не інфармацыйным каналам, якія падтрымліваюць … прэзідэнта», — гаворыцца ў паведамленні. Праўда, відаць, для ўласнага суцяшэння робячы рэмарку, што такая масавасць, маўляў, з-за накруткі ботамі.
Нямецкі фонд Маршала (German Marshall Fund of the United States, або скарочана GMF) — гэта амерыканская дабрачынная фундацыя, заснаваная на грошы нямецкага ўрада з нагоды 25-годдзя рэалізацыі Плана Маршала па адбудове пасляваеннай Еўропы. Фундацыя падтрымлівае праекты, скіраваныя на ўмацаванне амерыкана-еўрапейскіх сувязяў, дэмакратыі і грамадзянскай супольнасці.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца2
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары
И ещё смешнее, оказывается, для смены власти лукашенко достаточно 1,4 млн долларов, когда лукашенко тратит миллиарды государственных долларов на её захват и незаконное удержание ежегодно.
Наблюдаем пропагандистский прогиб и не больше.
В системе лукашенко не осталось умных, талантливых, способных завлечь население на свою сторону.
Они сосредоточились на удержании, под контролем, 15% которые задействованы в репрессиях и терроре остальных.
Посмотрите, сначала дубиной выгнали миллион в миграцию, теперь, через отбирание беларуского паспорта и гражданства, пробуют, дубиной, загнать обратно.