Пад Мінскам у лесе каля Цнянскага вадасховішча зацвілі яблыні. Фотапацверджанне выданне «Люстэрка» знайшло ў сацсетках.
Яблыневы цвет, як сцвярджаецца, быў зняты сёння, 7 верасня.
Як відаць на фота, яблыні, якія зацвілі не па сезоне, прыцягваюць не толькі людзей, але і насякомых.
Такія нечаканыя паводзіны раслін могуць быць звязаныя з рэзкім перападам паміж засушлівым, а затым вільготным цёплым надвор'ем, перападам тэмператур у бок паніжэння, а потым устойліва цёплым надвор'ем, моцным пашкоджаннем насякомымі, жывёламі або механічнымі надломамі.
Эксперты гавораць, што гэта не вельмі добра, бо расліны ўжо цяпер будуць траціць сілы, патрэбныя для таго, каб цвісці вясной.
Каментары