У Гродне п'яны мужчына зладзіў майстар-клас па стральбе проста на дзіцячай пляцоўцы
Усё адбылося ў адным з двароў па вуліцы Шчорса ў мінулую суботу. Мужчына, які быў нападпітку, вынес на вуліцу пнеўматычную вінтоўку.
Зброю ён уручыў падлеткам, якія сталі практыкавацца ў стральбе па бляшанках, паведамляе newgrodno.by
Тое, што вакол стаяць машыны, ходзяць людзі, мужчыну зусім не хвалявала. На заўвагі ён не рэагаваў.
Цяпер высвятляюцца ўсе абставіны здарэння. Мужчыну дакладна прыйдзецца адказаць за з'яўленне ў грамадскім месцы ў п'яным выглядзе.
Што тычыцца пнеўматычнай вінтоўкі, то менавіта гэтая мадэль рэгістрацыі не патрабуе. Яе можна захоўваць дома. Але вось тое, што мужчына ўручыў яе дзецям, ды яшчэ дазволіў зладзіць стральбу ў двары, стане прадметам асобнага разбору.
Каментары