Пасла Беларусі запрасілі на банкет з нагоды ўручэння Нобелеўскіх прэмій
Летась Беларусь і Расію не ўключылі ў лік запрошаных праз вайну ва Украіне. Таксама сёлета запрошаны Іран.
Расія і Беларусь зноў запрошаныя на банкет у Стакгольме з нагоды ўручэння Нобелеўскіх прэмій, паведамляе Нобелеўскі фонд. Летась іх не ўключылі ў лік запрошаных з-за вайны ва Украіне, піша Бі-бі-сі.
Іран у гэтым годзе таксама зноў запрошаны на гэтае мерапрыемства ў сталіцы Швецыі.
У фондзе заявілі, што імкнуцца прыцягнуць нават тых, хто не падзяляе каштоўнасцяў Нобелеўскай прэміі.
Пяць з шасці цырымоній уручэння Нобелеўскай прэміі штогод праходзяць у Стакгольме, а Нобелеўская прэмія міру ўручаецца ў Осла.
У мінулым годзе Нобелеўскі фонд заявіў, што паслы Расіі і Беларусі не будуць запрошаныя праз расійскую агрэсію супраць Украіны.
Акрамя таго, Нобелеўскай прэміяй міру быў узнагароджаны беларускі праваабаронца Алесь Бяляцкі. На момант уручэння прэміі ягонай жонцы ён знаходзіўся за кратамі адзін год і пяць месяцаў. А ў сакавіку 2023 года быў асуджаны на 10 гадоў зняволення.
Іран таксама не быў запрошаны ў мінулым годзе. Тэгеран ужо даўно сутыкаецца з крытыкай за сітуацыю з правамі чалавека ў краіне. ААН заявіла, што ўрад гэтай краіны мог учыніць злачынствы супраць чалавечнасці, душачы пратэсты летась.
Выканаўчы дырэктар Нобелеўскага фонду Відар Хельгесен так патлумачыў рашэнне зноў запрасіць тры гэтыя краіны: «Відавочна, што свет усё больш дзеліцца на сферы, дзе дыялог паміж людзьмі з рознымі поглядамі звужаецца».
«Каб супрацьстаяць гэтай тэндэнцыі, мы пашыраем колькасць нашых запрашэнняў, каб адзначыць і даць зразумець Нобелеўскую прэмію, а таксама важнасць свабоднай навукі, свабоднай культуры і свабодных, мірных таварыстваў».
Шведскі дэпутат Еўрапарламента ад Ліберальнай партыі Карын Карлсбра абвінаваціла фонд у стварэнні «небяспечнага прэцэдэнту».
Паводле яе слоў, фонд «даў зялёнае святло запрашэнню Расіі на гламурную вечарыну, у той час як ракеты падаюць на ўкраінскія культурныя цэнтры і забіваюць дзяцей».
Выступаючы перад грамадскім радыё Швецыі, яна назвала Расію, Беларусь і Іран «дзяржавамі-ізгоямі», якія «прыгнятаюць сваіх грамадзян, вядуць вайну і тэрор супраць уласнага народа і суседніх краін».
«Гэта краіны, якія ніякім чынам не падтрымліваюць дэмакратычных каштоўнасцяў», — падкрэсліла Карын Карлсбра.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары