На волю выйшлі палітвязні Сяргей Міраеўскі і Аляксандр Касценка
Абодва адбылі свой тэрмін пакарання.
Сяргей Міраеўскі — жыхар Светлагорска, якога абвінавацілі паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Міраеўскі быў затрыманы 11 жніўня 2020 года і ўтрымліваўся пад вартай трое сутак, пасля чаго да суда быў на волі пад падпіскай аб нявыездзе.
21 снежня 2020 года суд Светлагорскага раёна прызнаў Сяргея вінаватым і пакараў яго двума з паловай гадамі «хіміі». З сакавіка 2021 года палітвязень адбываў тэрмін у магілёўскай ПУАТ-43.
Аляксандра Касценку абвінавацілі таксама па ч. 1 арт. 342 КК. 13 мая 2022 года яму прызначылі 1 год і 6 месяцаў пазбаўлення волі ў калоніі агульнага рэжыму. Тэрмін ён адбываў у віцебскай калоніі № 3.
Палітвязні цалкам адбылі тэрміны і нядаўна выйшлі на волю, паведамляе «Гомельская вясна».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі2
Каментары