Экс-зорка лонданскага «Арсенала» працягне кар'еру ў Медыйнай футбольнай лізе (MFL). Ён будзе гуляць за «Goats» («Казлы»), паведамляе тэлеграм-канал клуба.
«Ён быў у заяўцы і ў мінулым сезоне, але так і не згуляў. У гэтым сезоне мы ўсё выправім і звязак Глеб + Глеб будзе бліскаць на палях MFL», — адзначае «Goats».
У «Goats» гуляе малодшы брат Аляксандра Вячаслаў.
З канца 2010-х у Расіі набраў моц медыяфутбол. Гульцы, якія ўжо не імкнуцца да трафеяў вялікага футбола, аб’ядноўваюцца ў каманды з блогерамі і медыйнымі зоркамі, збіраюць стадыёны і мільёны праглядаў у сацсетках.
Падрабязна пра MFL (Медыйную футбольную лігу) можна прачытаць ніжэй па спасылцы.
У Беларусі ствараюць медыйны футбольны клуб
У МФЛ ужо згуляныя тры сезоны, 12 жніўня адбылося лёсаванне чацвертага сезона.
Каманды разбітыя на чатыры групы: «Goats» будзе гуляць у групе A з «Радзіма медыя», «Народнай камандай», «Эгрысі», а таксама пераможцам стыку «Kickstown» — «Ars».
Аляксандру Глебу 42 гады. Ён гуляў за БАТЭ, нямецкі «Штутгарт» (2000—2005), англійскі «Арсенал» (2005—2008), каталонскую «Барселону» (2008-2009), з якой выйграў трэбл, аднак не здолеў замацавацца ў каталонскім клубе і вярнуўся ў «Штутгарт».
Таксама пагуляў за англійскі «Бірмінгем Сіці», пагуляў за нямецкі «Вольфсбург», турэцкія «Коньяспор», «Генчлербірлігі», расійскія «Крылы Саветаў», чатыры разы вяртаўся ў БАТЭ, а скончыў кар'еру ўвесну 2020 года ў беларускай «Іслачы».
Таксама Глеб згуляў за зборную Беларусі (2001—2019) згуляў 80 матчаў, забіў 6 мячоў.
Падчас футбольнага прастою ў 2020—2023 гадах Аляксандр Глеб актыўна ўдзельнічае ў праўладных мерапрыемствах, напрыклад, згуляў у футбол у адной камандзе з праўладнымі Дзмітрыем Баскавым, Сяргеем Рутэнкам і Аляксандрам Багдановічам на Кубку пасольства Расіі. Ні разу не падтрымаў перамен у Беларусі і народ Украіны.
Беларуска кліча на вяселле зорку «Універа», які за вайну. Упрэгся ўвесь Threads7
Каментары