Старшыня Брэсцкага абласнога выканкама Юрый Шулейка сабраў у сваім кабінеце вялікую калекцыю фігурак зуброў.
У стэлажы бачна каля 20 розных статуэтак ляснога волата. Фота апублікаваў тэлеграм-канал Брэсцкага аблвыканкама.
Новага зубра ў калекцыю Шулейку днямі падарыў кіраўнік Віцебскай вобласці.
54-гадовы чыноўнік — з мястэчка Казлоўшчына Дзятлаўскага раёна. Вучыўся ў Магілёўскім тэхналагічным універсітэце (1992). Потым стаў працаваць на Гродзенскім мясакамбінаце, дзе з невялікімі паўзамі адпрацаваў да 2005 года.
Потым яшчэ сем гадоў аддаў працы ў сферы мяса — у Лідзе і Гродне. У 2012 спачатку стаў намеснікам старшыні Гродзенскага райвыканкама, а ў 2013 — аблвыканкама. У 2017-м Лукашэнка прызначыў Шулейку памочнікам па Гомельскай вобласці, а ў студзені 2021-га яго прызначылі кіраўніком Брэсцкай вобласці.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне54
Каментары