Матч Лігі чэмпіёнаў перанеслі з-за гібелі заўзятара. Ён загінуў у жорсткай бойцы
Матч 3-га раўнда кваліфікацыі Лігі чэмпіёнаў паміж афінскім АЕКам і заграбскім «Дынама» перанесены на іншую дату. Ён меўся адбыцца сёння, але УЕФА перанесла яго.
Учора ўвечары ў Афінах адбылася бойка паміж фанатамі гэтых камандаў. Група з прыкладна 150—200 заўзятараў «Дынама» прыбыла ў сталіцу Грэцыі, парушыўшы забарону, уведзеную для прыезджых з Харватыі з-за боязі менавіта такіх сутыкненняў, піша Sports.ru.
Паліцыя ўстанавіла схаванае назіранне за харвацкімі фанатамі, але згубіла іх след, калі яны выйшлі з аўтобусаў і працягнулі рухацца на цягніку і аўтамабілях. Сутычка фанатаў адбылася каля стадыёна «Арэна».
У выніку бойкі загінуў грэцкі заўзятар. Чатыром грэкам і чатыром харватам таксама была аказаная медыцынская дапамога ў сувязі з рознымі траўмамі, паліцыя затрымала 96 чалавек.
Цікава, што фанаты іншага афінскага клуба «Панатынаікоса» ўдзельнічалі ў бойцы на баку заўзятараў «Дынама».
АЕК у сваёй заяве ўсклаў адказнасць за інцыдэнт на «Дынама» і грэцкую паліцыю.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары