Расійскія спецслужбы папярэдзілі Пуціна пра мяцеж Прыгожына за некалькі дзён. Але мясцовым чыноўнікам нічога не казалі
Расійскія службы бяспекі папярэдзілі Пуціна прынамсі за два-тры дні пра тое, што Прыгожын можа рыхтаваць мяцеж. Пасля былі зроблены крокі па ўзмацненні бяспекі на некалькіх стратэгічных аб'ектах, уключаючы Крэмль, дзе быў павялічаны штат прэзідэнцкай аховы і раздадзена больш зброі, але ў астатнім ніякіх дзеянняў зроблена не было, піша The Washington Post са спасылкай на свае крыніцы.
«У Пуціна быў час прыняць рашэнне аб ліквідацыі [бунту] і арышце арганізатараў», — сказаў адзін з прадстаўнікоў еўрапейскай службы бяспекі. «Затым, калі гэта пачало адбывацца, наступіў параліч на ўсіх узроўнях… Панавалі абсалютная трывога і замяшанне. Доўгі час яны не ведалі, як рэагаваць».
Прэс-сакратар Крамля Дзмітрый Пяскоў заявіў журналістам, што ацэнкі выведкі былі «глупствам» і дзяліліся імі «людзі, у якіх няма ніякай інфармацыі».
Адсутнасць загадаў ад вышэйшага камандавання Крамля прымусіла мясцовых чыноўнікаў самім вырашаць, як дзейнічаць. Паводле слоў прадстаўнікоў службы бяспекі, без якіх-небудзь выразных загадаў мясцовыя вайскоўцы і кіраўнікі службаў бяспекі прынялі пастанову не спрабаваць спыніць добра ўзброеныя атрады «Вагнера» Прыгожына.
Многія на мясцовым узроўні не маглі паверыць, што мяцеж «Вагнера» мог адбыцца без пэўнай дамоўленасці з Крамлём — нягледзячы на экстранны тэлезварот Пуціна да нацыі раніцай у дзень бунту, у якім ён паабяцаў прыняць жорсткія меры, каб спыніць паўстанцаў, піша выданне.
«Мясцовыя ўлады не атрымлівалі ніякіх каманд ад кіраўніцтва», — заявіў высокапастаўлены супрацоўнік службы бяспекі Украіны.
Калі з'явіліся папярэджанні службы бяспекі аб тым, што Прыгожын, магчыма, рыхтуе нейкі мяцеж, некаторыя ў сілавых структурах палічылі, што падрыхтоўка можа быць не больш чым блефам, каб узмацніць ціск і атрымаць больш рычагоў для забеспячэння свайго кантролю над Вагнерам, сказаў адзін з еўрапейскіх чыноўнікаў службы бяспекі.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары