Канец эпохі: Ілан Маск плануе замяніць птушку з лагатыпа Twitter на літару Х
Пасля таго, як Ілан Маск купіў Twitter, сацсетку чакае чарговая змена.
Знакамітую сінюю птушку з лагатыпа Twitter мільярдэр хоча замяніць на літару Х. Новы знак, як сцвярджаецца, будзе сімвалізаваць унікальнасць і недасканаласць людзей.
Ілан Маск купіў Twitter у мінулым годзе. Пасля гэтага ў сацсетцы зрабілі платнай сінюю птушку верыфікацыі. З красавіка ў тых акаўнтаў, якія раней атрымалі птушкі, але не плацілі за іх, птушак сталі забіраць.
Маск увёў таксама ліміт прагляду твітаў за суткі. Спачатку лічбы называліся такія: верыфікаваныя карыстальнікі, якія набылі падпіску за восем даляраў, маглі прачытаць за дзень шэсць тысяч твітаў, неверыфікаваныя — 600 твітаў, у той час як новыя карыстальнікі без верыфікацыі — усяго 300 твітаў. Пазней суадносіны тройчы змяняліся. Апошняе абнаўленне — 10000 / 1000 / 500.
Маск тлумачыў рашэнне ўвесці квоты барацьбой з «экстрэмальным узроўнем» збору даных і маніпуляцый сістэмы.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары
)