Адпрацаванае ядзернае паліва з БелАЭС будуць спачатку вывозіць у Расію, а пасля вяртаць у Беларусь
Адпрацаванае ядзернае паліва з БелАЭС будзе вывозіцца на перапрацоўку ў Расію з наступным вяртаннем у Беларусь прадуктаў перапрацоўкі для захоўвання, як расказала на брыфінгу начальніца ўпраўлення тэхнічнага суправаджэння АЭС ДВА «Белэнерга» Надзея Зданевіч.
«Зыходзячы з вынікаў праведзеных даследаванняў і ацэнак, пераважным варыянтам абыходжання з адпрацаваным ядзерным палівам быў прыняты
варыянт яго перапрацоўкі ў Расійскай Федэрацыі з вяртаннем у Беларусь адкідаў перапрацоўкі, уключаных у шклопадобную матрыцу, якія змяшчаюць радыенукліды цэзіевай і стронцыевай фракцыі з выключэннем даўгавечных радыенуклідаў», — заявіла чыноўніца.
Паводле яе слоў, гэты падыход быў пакладзены ў аснову міжурадавага пагаднення Беларусі і Расіі аб абыходжанні з ядзерным палівам. Цяпер вядзецца актыўная работа па рэалізацыі палажэнняў дакумента.
У Мінэнерга адзначылі, што праграму абыходжання з ядзернымі адкідамі распрацуюць да канца 2024 года. На гэты момант выканана тры з дзесяці этапаў.
Пляцоўка ж для размяшчэння пункта захавання радыеактыўных адкідаў пакуль не абрана.
«Цяпер зацікаўленымі дзяржорганамі рыхтуецца дарожная карта па рэалізацыі праекта будаўніцтва пункта захавання РАА. Першую чаргу аб'екта плануецца ўзвесці да 2030 года», — растлумачылі ў ведамстве.
Чытайце таксама:
Другі энергаблок БелАЭС зноў адключаюць ад сеткі
Мінэнерга абвергла інфармацыю пра выкіды на БелАЭС
Магутнасць другога блока БелАЭС павысілі да 50% у прысутнасці Галоўчанкі і Ліхачова
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары
Тогда обещали что отходы будут вывозиться в Россию.