Збіты вагнераўцамі самалёт Іл-22М негатыўна паўплывае на аперацыі арміі РФ і маральны дух лётчыкаў — брытанская разведка
Брытанская разведка мяркуе, што страта некалькіх адзінак авіяцыі падчас мяцяжу ПВК «Вагнер» дэмаралізавала расійскія ПКС, і канстатуе доўгатэрміновыя негатыўныя наступствы для расійскай авіяцыі праз тое, што быў збіты Іл-22М.
Пра гэта гаворыцца ў аглядзе Міністэрства абароны Вялікабрытаніі аб расійска-ўкраінскай вайне ад 29 чэрвеня, паведамляе «Еўрапейская праўда».
Разведка нагадвае паведамленне аб тым, што 24 чэрвеня вагнераўцы падчас мяцяжу збілі некалькі расійскіх вайсковых верталётаў і паветраны камандны пункт Іл-22М.
«Іл-22М — складнік адносна невялікага паветранага флоту колькасцю да 12 самалётаў, якія актыўна выкарыстоўваліся як для камандавання, так і для радыёрэлейных задач. Гэтыя спецсамалёты да гэтага часу ігралі ключавую ролю ў кіраўніцтве расійскімі сіламі ў вайне супраць Украіны. Як асабліва каштоўныя, яны дзейнічалі з бяспечнай зоны расійскай паветранай прасторы, далёка па-за зонай дасяжнасці ўкраінскіх сістэм СПА», — адзначае разведка.
Аналітыкі мяркуюць, што страта гэтага самалёта негатыўна адаб'ецца на далейшых дзеяннях сіл РФ у паветры і на зямлі.
«У кароткатэрміновай перспектыве псіхалагічны шок ад страты такім чынам такой колькасці лятальных апаратаў амаль дакладна ўдарыць па маральным духу ПКС.
У доўгатэрміновай перспектыве ёсць імавернасць, што для бяспечнага кіравання тым флотам, што застаецца, аб'ём задач давядзецца скараціць, у параўнанні з бягучым. А гэта, магчыма, паўплывае на здольнасць Расіі каардынаваць свае сілы, асабліва падчас аперацый высокай інтэнсіўнасці», — адзначаюць у аглядзе.
На борце Іл-22М было 10 чалавек. Усе яны загінулі.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё9
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары