У летніку пад Бабруйскам вароты ўпалі на 13-гадовага школьніка. Яго стан стабільна цяжкі
Няшчасце здарылася раніцай у аўторак, паведамляе СК.
13-гадовы школьнік, знаходзячыся на змене ў аздараўленчым лагеры, разам з сябрамі гуляў на спартыўнай пляцоўцы. Падлеткі па чарзе заскоквалі на перакладзіну футбольных варот, каб падцягнуцца. Пад цяжарам вагі аднаго з іх металічная канструкцыя ўпала на хлопчыка.
Цяпер школьнік у бальніцы, яго стан ацэньваецца як стабільна цяжкі.
Футбольныя вароты не былі замацаваныя.
СК падрабязна расследуе справу.
Нагадаем, што ў лістападзе 2022 года аналагічнае здарэнне адбылося ў Мінску на спартыўнай пляцоўцы на вуліцы Фогеля. 12-гадовы хлопчык, гуляючы ў футбол разам з сябрамі, заскочыў на вароты і стаў разгойдвацца. Пад цяжарам цела падлетка 27-кілаграмовая металічная канструкцыя ўпала проста на яго.
Хлопчык атрымаў цяжкія траўмы і праз два тыдні памёр у бальніцы, не прыходзячы ў прытомнасць. Работніка ЖЭУ, якога палічылі вінаватым, у чэрвені гэтага года асудзілі да калоніі-пасялення.
У 2017 годзе ў Салігорскім раёне на 12-гадовага хлопчыка ўпалі футбольныя вароты. Падлетак загінуў.
У 2019 годзе такі ж выпадак быў у Баранавіцкім раёне. Загінуў 11-гадовы хлопчык.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары