Украінская СПА збіла 29 з 30 крылатых ракет, выпушчаных Расіяй сёння ноччу
У тым ліку дзве крылатыя ракеты «Іскандэр-К».
«У цэлым вораг выпусціў 30 крылатых ракет марскога, паветранага і наземнага базіравання.
З самалётаў стратэгічнай авіяцыі: двух Ту-160 і васьмі Ту-95 выпушчаны 22 крылатыя ракеты Х-101/Х-555. З караблёў у Чорным моры — шэсць крылатых ракет «Калібр». А таксама дзве крылатыя ракеты «Іскандэр-К» з наземных аператыўна-тактычных ракетных комплексаў», — гаворыцца ў паведамленні УСУ.
Паведамляецца, што 29 крылатых ракет былі збітыя. Таксама збітыя два ўдарныя БПЛА Shahed і два разведвальныя БПЛА аператыўна-тактычнага ўзроўню.
Каментары