У Крыме — выбух на рэйках. Спынены чыгуначны рух паміж Сімферопалем і Севастопалем
Паводле звестак выдання Baza, на чыгунцы ў Сімферопальскім раёне Крыма адбыўся выбух. Са шляхоў сышлі пяць вагонаў са збожжам.
Рух электрацягнікоў на ўчастку Сімферопаль — Севастопаль часова спынен, паведаміў у тэлеграм канале дарадца кіраўніка акупаванага рэгіёна Алег Кручкоў.
Кіраўнік акупаванага Крыма Сяргей Аксёнаў пацвердзіў здарэнне і заявіў, што ніхто не пацярпеў.
На Крымска-Сімферопальскім напрамку чыгункі часова адменены рух цягнікоў. Па маршруце пусцяць аўтобусы.
Сход грузавога цягніка адбыўся праз «умяшанне старонніх асоб у працу чыгуначнага транспарту», паведаміла Крымская чыгунка.
На тэрыторыі Расіі, а таксама ў анексаваным ёй Крыме, рэзка вырасла колькасць дыверсій. З 1 студзеня да 12 мая адбылося як мінімум 57 спробаў дыверсій на чыгуначных шляхах, аб'ектах Мінабароны і энергетычных аб'ектах. Амаль 25% з іх адбыліся толькі за 13 майскіх дзён, падлічыла выданне «Вёрстка».
1 і 2 мая ў Бранскай вобласці адбыліся два падрывы чыгуначных шляхоў, з рэек сышлі два грузавыя саставы, адзін з іх — беларускі.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода12
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве44
Каментары