Пасля дыверсій на чыгунцы ў Бранскай вобласці сілавікі пачалі шукаць іншаземца ў Беларусі
Паведамленне аб пошуку чалавека з імем Эдуард упершыню з'явілася 5 мая ў сацыяльных сетках аўтапаркаў і тэлеграм-канале Гомельскага аддзялення БЧ, піша «Флагшток».
Акрамя імя, прозвішча, імя па бацьку, у паведамленні прысутнічае і дата нараджэння мужчыны.
7 мая ў аўтамабільным чаце Мазырскага раёна зʼявілася ўдакладненне, што Эдуарда шукаюць «у сувязі з учыненнем цяжкага злачынства».
Беларускія «Кіберпартызаны» на запыт «Флагштока» паведамілі, што беларусаў з такімі пашпартнымі данымі не існуе, а сістэма распазнавання твараў не знайшла выявы чалавека з высокай ступенню падабенства ў беларускай пашпартнай сістэме.
1 мая ў Бранскай вобласці пусцілі пад адхон беларускі цягнік.
На наступны дзень там зрабілі яшчэ адну паспяховую дыверсію на чыгунцы — грузавы цягнік сышоў з рэек.
Каментары