У Сербіі малады чалавек адкрыў агонь з аўтамабіля, забіўшы прынамсі 8 чалавек і параніўшы 13 чалавек. Надзвычайнае здарэнне адбылося непадалёк ад Бялграда позна ўвечары ў чацвер. Гэта стала другім масавым забойствам у Сербіі за апошнія два дні, паведамляе «Украінская праўда».
21-гадовы хлопец страляў па людзях каля горада Младэнавац, прыкладна за 50 кіламетраў на поўдзень ад сталіцы. Паліцыя яго шукае.
Стральба адбылася на наступны дзень пасля таго, як 13-гадовы хлопчык, выкарыстоўваючы зброю свайго бацькі, зладзіў стральбу ў школе ў Бялградзе, у выніку якога загінулі восем яго аднакласнікаў і школьны ахоўнік.
Міністр унутраных спраў Сербіі Браціслаў Гашыч назваў страляніну ў чацвер «тэрарыстычным актам».
Да аперацыі па затрыманні падазраванага прыцягнутыя спецпадраздзяленні паліцыі і верталёты, а таксама карэты хуткай дапамогі.
Ніякіх іншых падрабязнасцяў пакуль невядома, і паліцыя не зрабіла ніякіх заяваў.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары