Свет11

Крыніца ў Пентагоне: Нас загадзя не папярэджвалі аб атацы дронаў на Крэмль, украінцы запэўніваюць, што гэта не яны

Карэспандэнтка Fox News па нацыянальнай бяспецы Джэніфер Грыфін пагаварыла са сваімі крыніцамі ў Пентагоне і цытуе іх словы ў твітары наступным чынам: «Нас загадзя не апавяшчалі пра ўдар дронаў па Крамлі. Украінцы запэўніваюць нас, што гэта былі не яны».

Афіцыйную пазіцыю Вашынгтона ў сераду выказаў намеснік прэс-сакратара Дзярждэпартамента Ведант Патэл. Ён падкрэсліў, што Дзярждэпартамент пакуль не можа пацвердзіць сапраўднасць відэа выбухаў над Крамлём, а да любых заяваў самога Крамля там ставяцца з крайнім скепсісам, піша Бі-бі-сі.

На пытанні журналістаў на брыфінгу аб тым, ці зможа Дзярждэпартамент выказацца аб сапраўднасці відэа больш дакладна ў будучыні, Патэл адказаў, што праца ў гэтым кірунку будзе працягнутая.

Ён падкрэсліў, што ЗША працягнуць падтрымліваць Украіну і што ўкраінскія гарады не адзін раз падвяргаліся разбуральным нападам расійскіх дронаў. Пры гэтым Патэл заўважыў, што ЗША ніколі не падштурхоўвалі Украіну да нападаў на расійскай тэрыторыі і прытрымліваліся гэтай пазіцыі паслядоўна.

У Кіеве афіцыйна адмаўляюць сваё дачыненне да нападу дронаў на Крэмль. Там амаль заўсёды займаюць такую пазіцыю, калі адбываецца нейкая дыверсія на тэрыторыі Расіі, але ў Вашынгтоне не заўсёды схільныя верыць падобным адмаўленням.

Найбольш яскравы прыклад тычыцца забойства прапагандысткі Дар'і Дугінай у жніўні мінулага года. Амерыканскія спецслужбы лічаць, што да гэтага была датычная як мінімум нейкая частка ўкраінскай дзяржавы. Кіеў гэта ўпарта адмаўляе.

Сцэнарый украінскага ўдару па Крамлі абмяркоўваўся ў адным з дакументаў Пентагона, несанкцыянавана раскрытых на пачатку красавіка. Сапраўднасць гэтых дакументаў афіцыйна не пацверджаная, але большасць з іх не ўтрымлівае прыкмет фальсіфікацыі.

Каментары1

  • Натальля
    04.05.2023
    Такое заявление ломает через колено украинских и беларуских борцов с режимом и за светлое будущее.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць