Кіеў гэтай ноччу, 3 мая, атакавалі дроны-камікадзэ тыпу «Шахед». Сілы супрацьпаветранай абароны УСУ збілі ўсе варожыя беспілотнікі. У выніку паветранай атакі праціўніка ахвяр і разбурэнняў у сталіцы няма, паведамляе РБК-Украіна.
Прычым цяперашняя паветраная атака Кіева з боку расійскіх войскаў стала трэцяй за апошнія шэсць дзён.
«Гэтым разам Кіеў быў атакаваны выключна дронамі. Паводле папярэдняй інфармацыі, рашысты, як звычайна, выкарыстоўвалі іранскія БПЛА «Шахед», — распавёў кіраўнік Кіеўскай ваеннай адміністрацыі Сяргей Папко.
Чыноўнік звярнуў увагу, што тактыка праціўніка застаецца нязменнай, і атакі ажыццяўляюцца з надыходам цёмнага часу сутак, пры гэтым РФ запусціла беспілотнікі з розных напрамкаў.
«Паводле папярэдняй інфармацыі, у паветранай прасторы вакол сталіцы былі выяўленыя і збітыя ўсе варожыя цэлі. Даныя аператыўнай зводкі на гэты момант — без ахвяр і разбурэнняў. Інфармацыя ўдакладняецца», — сказаў Папко.
Таксама чыноўнік падзякаваў Сілам супрацьпаветранай абароны за выдатную і прафесійную службу.
«Вы чарговы раз выратавалі жыцці кіеўцаў і інфраструктуру горада! Слава Украіне!» — адзначыў Папко.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА46
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары