«Без вас у канчатковым рахунку наша гульня не мае значэння». Капітан зборнай Беларусі па футболе выказаўся пра апошнія матчы
Капітан зборнай Беларусі па футболе Яўген Яблонскі па выніках дзвюх апошніх правальных гульняў каманды звярнуўся ў інстаграме да заўзятараў.
Паводле футбаліста, ён разумее, якое глыбокае расчараванне пакінулі гэтыя два матчы. На яго думку, «мы маглі і павінны былі выціснуць больш», але «ў выніку далі толькі падставу для размоў і негатыўных эмоцый».
Негатыўныя эмоцыі Яблонскі трактуе як паказчык таго, «што вам неабыякавая нацыянальная каманда», а злосных каментатараў ён, як сцвярджае, таксама разумее.
«Я спадзяваюся, вы знойдзеце ў сабе сілы застацца з камандай і працягнуць яе падтрымліваць (калі не — разумею). Таму што без вас, у канчатковым рахунку, наша гульня не мае значэння. Нават калі вам здаецца інакш», — адзначыў футбаліст.
У першых адборачных матчах да чэмпіянату Еўропы па футболе 2024 года зборная Беларусі пад кіраўніцтвам Георгія Кандрацьева без сур'ёзнай барацьбы саступіла абодвум сапернікам — зборнай Швейцарыі (0:5) і зборнай Румыніі (1:2).
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары
Не маю ніякага права жадаць посьпехаў лукашызму і пасля лютага 2022.
Для мяне спорт у Беларусі памёр. Жадаю посьпехаў толькі тым спартоўцам якія пакінулі лукашызм і выступаюць за іншыя клубы ды краіны, акрамя Масковіі.
Пакуль існуе лукашызм, пакуль ідзе вайна, пакуль катуюць мой народ я не маю ніякага права глядзець ды хварэць за сборную якая не мае ні нацыянальнага сцяга, ні герба, ні гімна, і не прадстаўляе краіну і народ, а прадстаўляе фашыстскі ды бальшавіцкі ябацькастан ды смактуе дупу лукаваму чорту.