Прэмʼер-міністр Нікол Пашынян лічыць, што АДКБ сыходзіць з Арменіі. Пра гэта ён заявіў на сённяшняй прэс-канферэнцыі, піша reform.by.
«Калі генеральны сакратар АДКБ наведаў Арменію ў 2020 годзе, ён мне ў гутарцы сказаў, што ў АДКБ ёсць боязь, што Рэспубліка Арменія выйдзе з АДКБ. Я сказаў генсеку, што заклапочанасць недарэчная. Дарэчы іншае — заклапочанасць наконт таго, што АДКБ сама сыдзе з Арменіі. І па маёй ацэнцы, АДКБ, жадаючы таго ці не, выходзіць з Арменіі, і гэта непакоіць нас», — сказаў Пашынян.
Нядаўна Арменія апавясціла АДКБ, што адмаўляецца ад сваёй квоты на пасаду намесніка генеральнага сакратара арганізацыі. Пашынян сёння растлумачыў, што краіна гатовая накіраваць свайго прадстаўніка, калі будзе ўпэўненая, што гэта ўмацуе яе бяспеку.
«Мы даўно і паслядоўна працавалі з АДКБ і працягваем працаваць. Мы прапанавалі свае прынцыпы, якія тычацца не Рэспублікі Арменія, а таго, дзейнічае АДКБ ці не, існуе яна ці не, прынамсі, на тэрыторыі Рэспублікі Арменія. Мы гатовыя вырашыць гэтую праблему», — дадаў ён.
Прэмʼер-міністр Арменіі таксама папярэдзіў, што цяпер высокая верагоднасць эскалацыі на мяжы з Азербайджанам, а таксама ў Нагорным Карабаху. Адказнасць за яе ён усклаў на Баку.
«Мая выснова звязаная з усё больш агрэсіўнай рыторыкай Азербайджана і, вядома, ёсць некаторыя іншыя звесткі», — дадаў ён.
Пашынян адзначыў пэўную дынаміку па мірным дагаворы з Азербайджанам, але, на яго думку, фундаментальныя праблемы з праектам застаюцца. Прэмʼер-міністр Арменіі заявіў, што Азербайджан спрабуе сфармуляваць тэрытарыяльныя прэтэнзіі ў дачыненні да яго краіны, а таксама дэ-факта атрымаць санкцыю на этнічныя чысткі ў Нагорным Карабаху.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары