У Расіі Януковічу, Медзведчуку і Азараву прапанавалі стварыць урад Украіны ў выгнанні
Былы прэм'ер Украіны Мікалай Азараў, прарасійскі палітык Віктар Медзвядчук і збеглы прэзідэнт Украіны Віктар Януковіч павінны стварыць «урад у выгнанні». Пра гэта ў размове з ura.ru заявіў член-карэспандэнт Акадэміі вайсковых навук Расіі Уладзімір Козін.
«Мікалай Азараў, Віктар Медзвядчук і Віктар Януковіч павінны сфармаваць урад у выгнанні са сваіх грамадзян, а не з грамадзян Расійскай Федэрацыі. Украіна, хоць і вядзе камбінаваную ўкраінска-натаўскую агрэсію супраць нас, яна суверэнная краіна. У яе ёсць свой прэзідэнт, свая судовая сістэма і гэтак далей. Рашэнне са стварэннем такога ўрада відавочна зацягнулася, але лепш позна, чым ніколі», — сказаў Уладзімір Козін.
Нагадаем, што Януковіч збег з Украіны ў лютым 2014 года ў выніку перамогі Рэвалюцыі годнасці. Азараў пакінуў Украіну ў студзені 2014 года пасля сваёй адстаўкі.
Васкрасенскі: Адкрываецца неба — і Алесь Бяляцкі адразу выходзіць31
Каментары