Прапагандысты вінавацяць Насту Лойку ў «шпіянажы». Вось што яны разумеюць пад гэтым словам
20 снежня «Беларусь Сегодня» выпусціла матэрыял пра «шпіёнскую сетку пад выглядам валанцёраў-праваабаронцаў». З яго становіцца зразумелым, у чым могуць абвінаваціць затрыманую праваабаронцу Насту Лойка.
Прапагандыстка Людміла Гладкая піша, што праваабарончая арганізацыя Human Constanta нібыта «збірала інфармацыю пра беларусаў і перадавала яе спецслужбам».
«Доказамі» яна называе тое, што валанцёры арганізацыі вучыліся і стажыраваліся за мяжой, рыхтавалі аналітычныя матэрыялы з адкрытых судоў, былі назіральнікамі на выбарах, запісвалі паказанні пацярпелых падчас затрыманняў, дзяжурылі каля РУУС.
Лойку прапагандыстка абвінаваціла ў тым, што яна кансультавала людзей па прававых пытаннях, дапамагала рабіць дакументы. У віну ёй ставіцца і тое, што яна давала каментары замежным журналістам і беларускім незалежным СМІ.
Гладкай не спадабалася тое, каму дапамагалі праваабаронцы.
«Дык заступіцеся за людзей! За паралімпійцаў, якіх Захад пазбаўляе спаборніцтваў! Заступіцеся за дзяцей з цяжкімі захворваннямі, якія не могуць атрымаць лячэнне ў нашым санаторыі ў Літве! За змучаных бежанцаў заступіцеся. Тупніце, нарэшце, нагой супраць санкцый!» — абураецца прапагандыстка.
Праваабарончая арганізацыя Human Constanta адрэагавала на абвінавачванні ў «шпіянажы».
«З самога свайго заснавання праваабарончая арганізацыя Human Constanta ажыццяўляла дзейнасць выключна мірнага і праваабарончага характару. Мы хочам падкрэсліць, што такая дзейнасць з'яўляецца правамернай і гарантаваная праваабаронцам Канстытуцыяй Рэспублікі Беларусь і міжнароднымі нормамі ў галіне правоў чалавека, у тым ліку Дэкларацыяй аб праваабаронцах, зацверджанай Генасамблеяй ААН 9 снежня 1998 года.
У сувязі з гэтым, лічым, што ўсе абвінавачванні, якія прыводзяцца ў артыкуле, з'яўляюцца неабгрунтаванымі.
Мы, як і раней, будзем працягваць сваю праваабарончую дзейнасць і далей адстойваць правы чалавека для кожнага(ай), а таксама патрабаваць спыніць усе спробы пераследу і ціску на беларускіх праваабаронцаў у сувязі з ажыццяўленнем імі прафесійнай дзейнасці».
Нагадаем, што Наста Лойка знаходзіцца за кратамі з 28 кастрычніка. Ёй некалькі разоў прысуджалі суткі.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Што да акрэсленых Гладкай пытанняў, то права ўдзельнічаць у параалімпійскіх спаборніцтвах, права лекавацца ў беларускім санаторыі ў Літве і права дзяржаў не падвяргацца эканамічным санкцыям няма ва Усеагульнай дэкларацыі правоў чалавека. То бок - гэтыя рэчы не ўваходзяць у сферу, якая разглядаецца як правы чалавека, і якой займаюцца праваабаронцы. Гэта рэчы з іншай сферы дзейнасці.