«Тры сасны» (Three Pines) — новы дэтэктыўны серыял пра канадскую глыбінку
Гэты серыял ад Prime Video заснаваны на знакамітых дэтэктыўных раманах Луізы Пені пра канадскіх вяскоўцаў, вакол якіх разгортваюцца загадкавыя гісторыі. Вы апынецеся ў самым сэрцы Канады і ў гісторыі, дзе забойства — усяго толькі пачатак клубка таямніц.
У сэрцы гэтага серыяла знаходзіцца інспектар Арман Гармаш — дэтэктыў і сапраўдны джэнтльмен. Для канадцаў, якія любяць літаратуру, гэты персанаж — тое ж самае, што для брытанцаў — Пуаро ці Холмс, тлумачыць Variety.
Выбар акцёра на ролю Гармаша быў адным з важнейшых элементаў серыяла, і Альфрэд Маліна, які ў выніку і ўвасобіў дэтэктыва, з задачай справіўся. Ён улавіў сапраўдную, мягкую сутнасць свайго героя, яго дабрыню і назіральнасць, і перадае гэта з першага моманту свайго з’яўлення на экране.
Падзеі серыяла адбываюцца ў выдуманым гарадку, створаным на аснове роднага горада Пені, канадскага Ноўлтана. У першым сезоне «Трох соснаў» ёсць чатыры асобныя загадкавыя гісторыі пра забойствы. Не расчаруйцеся першымі дзвюма серыямі — яны могуць падацца слабымі, але гэта толькі праз тое, што шоу на той час яшчэ не вызначыла да канца свой характар. Так мы і атрымліваем павольны пачатак, ды і ахвяра ў ім здаецца не самай прыемнай.
На шчасце, мы маем цэлы сезон, каб раскрыць усю загадку ў яе поўнай прыгажосці, у чым крыецца сапраўдная геніяльнасць гэтай экранізацыі кніг. Гарнаш спрабуе раскрыць першае забойства і ў той жа час пачынае расследаваць знікненне маладой прадстаўніцы карэнных народаў. Суд Квебека не пагадзіўся шукаць яе, бо дзяўчына нібыта збегла сама, нягледзячы на тое, што, па словах яе родных, яна б ніколі іх не кінула.
Гэтай сюжэтнай лініі няма ў першакрыніцы. Яна — прапанова ад стваральнікаў «Трох соснаў» пагутарыць пра актуальную проста цяпер праблему, калі ў Канадзе паліцыя не расследуе знікненні жанчын, якія належаць да карэнных народаў. Відавочна, што аўтары шоу жадаюць асэнсавана даследаваць гэтыя гісторыі, што яны робяць з павагай і чуласцю.
Але серыял «Тры сасны» глыбока пагружаецца і ў культуру цяперашняй Канады. Персанажы выкарыстоўваюць то французскую, то англійскую мову, часам ад іх чуваць тыпова канадскія выразы, і пад паверхняй усёй гісторыі кіпіць працяглая напружанасць паміж франкамоўнымі і англамоўнымі жыхарамі краіны.
Адаптаваць папулярную кнігу (ці серыю кніг) у серыял і не згубіць пры гэтым нюансаў першакрыніцы — цяжкая задача. Тым больш цяжка рабіць гэта, калі ты пашыраеш свет кнігі і паляпшаеш арыгінальную працу. І серыял «Тры сасны» бліскуча спраўляецца з абедзвюма задачамі.
Калі серыял падоўжаць на другі сезон, мы пачуем яшчэ шмат сакрэтаў пра яго персанажаў. Цяпер жа мы маем кароткую, але прыемную адаптацыю, поўную культур і гісторый, якія заслугоўваюць, каб іх пачулі ва ўсім свеце, і пры гэтым аддаюць належнае раманам, на якіх яны заснаваныя.
Рэйтынгі на вялікіх сусветных рэсурсах:
IMDB — 7,2/10
Rotten Tomatoes — 78% (крытыкі), 68% (гледачы)
Каментары
дык аба што з вамі можна гаварыць?)
Жвір, вы куды больш савецкі (русскі), чым жыхары Беларусі. так - больш нават, чым тыя, каторыя т.зв. ябацькі. вось такі вось парадокс