Палітзняволенага мастака Алеся Пушкіна пераводзяць у турму на паўтара года
Суддзя Івацэвіцкага раёна Аляксандр Кірыловіч 11 лістапада пастанавіў перавесці Алеся Пушкіна на турэмны рэжым тэрмінам на паўтара года. Пакуль невядома, у якой турме мастак будзе адбываць тэрмін, паведамляюць праваабаронцы.
Нагадаем, Алеся затрымалі 30 сакавіка 2021 года. Яго абвінавацілі паводле арт. 370 КК і ч. 3 арт. 130 КК (здзек з дзяржаўных сімвалаў і «рэабілітацыя нацызму»).
30 сакавіка 2022 Пушкіна асудзілі да 5 гадоў зняволення ў калоніі строгага рэжыму. Адміністрацыя калоніі № 22 у жніўні пакарала Пушкіна пяццю месяцамі ў ПКТ.
Каментары