Літоўскія пракуроры заняліся мясцовымі прыхільнікамі Пуціна і Лукашэнкі
Генпракратура Літвы шчыльна занялася расследаваннем дзейнасці Асацыяцыі «Міжнародны форум добрасуседства» і звязанымі з ёй асобамі, якія падазраюцца ў дзейнасці супраць Літвы. У чацвер па гэтай справе праводзіліся ператрусы і прад'яўляліся абвінавачванні, паведамляе Delfi.
Ператрусы прайшлі ў Эрыкі Швенчэнэне, Міндаўгаса Рамошкі, Казімераса Юрайціса і іншых дзеячаў, вядомых сярод іншага тым, што апошні год яны ідэалагічна абслугоўвалі не толькі пуцінскі, але і лукашэнкаўскі рэжым.
Яны неаднаразова прыязджалі ў Беларусь, дзе бралі ўдзел у праўладных мерапрыемствах, а таксама запрашаліся ў прапагандысцкія перадачы, дзе ў якасці замежных экспертаў расказвалі розныя небыліцы пра Літву і Еўрасаюз.
Эрыка Швенчэнэне, паводле сцвярджэння беларускіх прапагандыстаў, на дадзены момант затрыманая, але афіцыйнага пацвярджэння гэтаму пакуль няма.
«З улікам асаблівасцяў гэтага расследавання і тактычных рашэнняў, неабходных для забеспячэння яго поспеху, ніякай падрабязнай інфармацыі аб падазраваных, іх колькасці, асобах і іншых не будзе», — сказана ў паведамленні.
Расследаванне па падазрэнні ў дапамозе іншай дзяржаве дзейнічаць супраць Літвы было распачата 5 жніўня гэтага года. Паводле ацэнкі літоўскай пракуратуры, рэальныя мэты стварэння арганізацыі «Міжнародны форум добрасуседства» незаконныя і супярэчаць грамадскаму парадку.
Старшыня «Міжнароднага форуму добрасуседства» Эрыка Швенчэнэне паведамляла пра тое, што з іншым сябрам арганізацыі Эрыкасам Ягелавічусам яны ездзілі ў якасці назіральніка на «рэферэндумы», якія праходзілі на акупаваных Расеяй украінскіх тэрыторыях. Аднак, вярнуўшыся з паездкі, Швенчэнене заявіла, што на Данбас ёй патрапіць не ўдалося. Ці праўда гэта, Дэпартамент дзяржбяспекі Літвы не паведамляе.
Чытайце таксама:
Беспрацоўны з судзімасцю, няня, адміністратар гатэля і адмаўляльнік Халакосту. Каго лукашэнкаўская прапаганда выдае за замежных экспертаў?
Антываксер, «трохі анархіст», прыхільнікі СССР і расійскага шпіёна. Макей сустрэўся з «Дэлегацыяй грамадзян Літвы». Расказваем, хто гэтыя людзі
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?1
Каментары
Как тесен мир :)))