Культура

Супергероі гавораць па-беларуску: «Суперсямейка» выйшла на VOKA ў новым дубляжы

Папулярны мультфільм «Суперсямейка» выйшаў у новым перакладзе на відэасэрвісе VOKA. Спецыяльна для платформы быў падрыхтаваны афіцыйны дубляж, у якім персанажы Pixar і Disney гавораць на беларускай мове, піша marketing.by.

«Суперсямейка» — гэта гісторыя супергероя Боба Пара (ён жа Містар Выключны), які заўсёды імкнуўся кагосьці ратаваць, і гэта з поспехам яму ўдавалася, пакуль пасля аднаго выпадку незадаволеныя выратаваныя не завалілі яго судовымі іскамі. Расчараваны няўдзячнасцю, Боб адышоў ад спраў, ажаніўся з Хэлен (яна ж супергераіня Эластыка) і ўладкаваўся ў звычайную страхавую кампанію. Прайшло 15 гадоў, у Боба і Хэлен з’явілася трое дзяцей з незвычайнымі здольнасцямі, але яны па-ранейшаму спрабуюць жыць як усе. Толькі Містар Выключны ўсё адно вельмі сумуе па прыгодах і ў рэшце рэшт знаходзіць іх: цяпер сям’я павінна ратаваць яго ад былога фаната.

«Суперсямейка» выйшла ў 2004 годзе і стала першым праектам Pixar, у якім усе персанажы з’яўляюцца людзьмі. Яны былі настолькі папулярныя, што сталі прататыпамі для некалькіх камп'ютарных гульняў. Таксама мульфільм быў адзначаны многімі прэстыжнымі ўзнагародамі, у тым ліку атрымаў дзве прэміі «Оскар» — за найлепшы мантаж гуку і за найлепшы анімацыйны фільм. У 2018 годзе выйшаў працяг гісторыі — «Суперсямейка 2».

Афіцыйны беларускі дубляж мультфільма для відэасэрвісу VOKA па замове платформы зроблены фірмай «Кінаконг».

Паглядзець «Суперсямейку» могуць усе карыстальнікі VOKA па падпісцы «Усё ўключана» ў раздзеле «CINEVOKA — Кіно па-беларуску», дзе таксама прадстаўлена больш за 50 іншых пераагучаных фільмаў — ад галівудскіх блокбастараў да анімэ. Акрамя анімацыйнага і мастацкага кіно, у раздзеле «CINEVOKA — Серыялы па-беларуску» ў беларускім дубляжы гледачам платформы даступныя яшчэ і серыялы.

Каментары

Цяпер чытаюць

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця34

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Усе навіны →
Усе навіны

Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі62

«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа2

Швейцарскі грамадскі басейн забараніў уваход усім замежнікам — усё праз дрэнныя паводзіны французаў4

Пачаўся Будслаўскі фэст. Сёлета там адбудзецца асаблівая падзея4

Чакаецца новы раўнд перамоваў між Беларуссю і ЗША — літоўскі СМІ13

Кныровіч расказаў, што трэба рабіць Ціханоўскаму, каб вызваліць палітвязняў7

Трамп сказаў Зяленскаму, што хоча дапамагчы Украіне з супрацьпаветранай абаронай4

«Спыталі, чый Крым». Беларус падаўся адразу на два ДНЖ у Польшчы і Літве, а ў выніку мусіў пакінуць ЕС9

Зяленскі пагаварыў з Трампам па тэлефоне. Абмеркавалі пастаўкі зенітных ракет1

больш чытаных навін
больш лайканых навін

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця34

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Галоўнае
Усе навіны →

Заўвага:

 

 

 

 

Закрыць Паведаміць