Аляксандр Лукашэнка пазбавіў чарговую групу былых сілавікоў вайсковых і спецыяльных званняў, класных чыноў за іхную апазіцыйную дзейнасць. Падобны паводле зместу ўказ быў апублікаваны ў мінулым годзе, паведамляе прэс-служба Лукашэнкі.
Усяго пад рэпрэсіі гэтым разам трапілі больш за 80 чалавек. У іх ліку вайскоўцы, супрацоўнікі іншых сілавых структур, а таксама работнікі органаў пракуратуры, у тым ліку ў адстаўцы або запасе.
Акрамя таго, ва ўказ ўключаны былыя вайскоўцы, якія ў цяперашні час прымаюць удзел ва ўзброеных канфліктах на тэрыторыях іншых дзяржаў. Паводле версіі ўлады, званняў іх пазбавілі за «здзяйсненне злачынстваў, адміністрацыйных правапарушэнняў і дыскрэдытуючых правін, несумяшчальных са статусам вайскоўца, работніка органаў пракуратуры».
Прэс-служба пералічвае правіны пазбаўленых званняў сілавікоў: «прыцягненне да ўстаноўленай законам адказнасці за наўмыснае разгалошванне службовай таямніцы, актыўны ўдзел у дзеяннях, якія груба парушаюць грамадскі парадак, у тым ліку несанкцыянаваных мітынгах, абразу прадстаўнікоў улады, выступ з заявамі экстрэмісцкага характару і іншыя».
Канкрэтныя прозвішчы пазбаўленых званняў пакуль што не называюцца.
Чытайце таксама:
Пазбаўлены звання падпалкоўнік КДБ Костка: Я ніводнага дня не служыў пры Лукашэнку і прысягу яму не прыносіў
Барадач, Костка, Лупаносаў… Апублікаваны спіс сілавікоў, якіх Лукашэнка пазбавіў званняў
Лукашэнка пазбавіў 80 сілавікоў званняў за датычнасць да пратэстаў
Цяпер чытаюць
Дзмітрый Лукашэнка хоча паставіць пад кантроль усе мабільныя тэлефоны10
Каментары