Брытанская разведка ацаніла перспектывы наступлення УСУ каля Херсона
Ведамства ў сваёй справаздачы адзначае, што з раніцы 29 жніўня некалькі брыгад УСУ ўзмацнілі артылерыйскі абстрэл на ўчастках фронту на поўдні Украіны, а ўкраінскія дальнабойныя высокадакладныя ўдары працягнулі перашкаджаць папаўненню расійскіх войскаў.
«Пакуль немагчыма пацвердзіць маштабы ўкраінскіх дасягненняў», — гаворыцца ў аглядзе.
Аднак у разведцы зазначаюць, што з пачатку жніўня Расія прыкладае значныя намаганні па ўзмацненні сваіх сіл на заходнім беразе Дняпра ў раёне Херсона.
«Калі ва Украіны атрымаецца пачаць працяглыя наступальныя аперацыі, згуртаванасць гэтай узмоцненай структуры, верагодна, стане ключавым фактарам устойлівасці расійскай абароны на поўдні», — лічаць у брытанскай разведцы.
Як паведамлялася, Белы дом бачыў паведамленне пра тое, што Украіна пачала контрнаступленне супраць расійскіх войскаў на поўдні, але не хоча каментаваць канкрэтныя ваенныя аперацыі.
Цяпер чытаюць
Анжаліка Мельнікава пасля знікнення набыла дзве кватэры ў Мінску51
Каментары