Wargaming прадаў кампаніі ў Беларусі і Расіі расійскаму бізнэсмену
Новы ўладальнік беларускага СТАА «Гейм Стрым» і расійскага ТАА «Леста» цяпер Малік Хатажаеў. Гэта расійскі топ-менеджар WG, піша dev.by.
З 1 ліпеня кіпрская кампанія «Варгеймінг Груп Лімітэд» больш не валодае долямі ў беларускай юрасобе СТАА «Гейм Стрым» (валодала з красавіка 2012 года).
Асноўным уласнікам (91,84% акцый) СТАА «Гейм Стрым» цяпер з'яўляецца грамадзянін Расіі Хатажаеў Малік Атхамавіч, былы гендырэктар расійскага ТАА «Леста».
Мінарытарнымі ўладальнікамі СТАА «Гейм Стрым» застаюцца Святлана Пятрова (Украіна) і Ларыса Коцікава (Беларусь).
Адначасова цікавыя змены адбыліся ў ТАА «Леста». Малік Хатажаеў, які 12 гадоў займаў у расійскай студыі WG пасаду гендырэктара, 15 чэрвеня саступіў яе Юрыю Сухараву. Затое сам з 28 чэрвеня атрымаў у распараджэнне ад «Варгеймінг груп Лімітэд» 100% ТАА «Леста».
Падобна на тое, беларускі Wargaming паспеў уцячы з-пад пастановы Саўміна №436 ад 1 ліпеня 2022 года (уступіла ў сілу крыху пазней, пасля апублікавання), якая забараніла замежным акцыянерам 190 юрыдычных асоб (у тым ліку і ТАА «Гейм Стрым») адчужаць долі (акцыі) у статутных фондах, якія ім належаць, без спецыяльнага дазволу Мінфіна.
Такім чынам, кіпрскі «недружалюбны акцыянер» Wargaming да пачатку ліпеня паспеў выйсці з абодвух юрыдычных асоб — расійскай і беларускай. Асноўным уладальнікам абодвух юрыдычных асоб стаў расійскі топ-менеджар WG.
Дагэтуль супрацоўнікі мінскага офіса WG распавядалі, што частцы каманды прапануюць застацца ў Беларусі і працаваць на «Лесту». Пры гэтым было незразумела, ці ідзе гаворка аб пераафармленні з адной юрыдычнай асобы ў іншую і ліквідацыі ТАА «Гейм Стрым». З улікам гэтых навін можна выказаць здагадку, што ліквідацыя ТАА «Гейм Стрым» цяпер не спатрэбіцца. Юрыдычная асоба можа знаходзіцца пад «Лестай», якая ў сваю чаргу страціла фармальную сувязь з WG.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары