Стала вядома, што ў судзе Маскоўскага раёна 11 ліпеня ў 11:30 пачнуць разглядаць крымінальную справу Змітра і Насты Дашкевічаў.
Ім інкрымінуюць ч. 1 арт. 342 Крымінальнага кодэкса (удзел у дзеяннях, якія груба парушаюць грамадскі парадак). Справу будзе разглядаць суддзя Таццяна Пірожнікава, паведамляе «Вясна».
Змітра затрымалі 23 красавіка 2022 года пасля ператрусу ў кватэры. Спачатку яго арыштавалі на 15 сутак па адміністрацыйным артыкуле, а затым ужо па крымінальнай справе. У красавіку стала вядома, што цяжарную жонку палітвязня таксама падазраюць па гэтым артыкуле. Цяпер Змітра ўтрымліваюць у СІЗА на Валадарскага ў Мінску.
15 чэрвеня ў сям’і палітвязня нарадзіўся сын Данііл.
Падтрымаць Дашкевіча лістамі салідарнасці: СІЗА-1, 220030, г. Мінск, вул. Валадарскага, 2, Зміцер Вячаслававіч Дашкевіч.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары