Маласольныя агуркі «насуха» — гатовыя ўжо праз некалькі гадзінаў + ВІДЭА
У Беларусі пачаўся сезон агуркоў. Усе мы любім салёныя агуркі, але традыцыйныя спосабы патрабуюць вельмі шмат часу. Кухар з больш, чым мільёнам падпісантаў, паказаў рашэнне — і вам нават не спатрэбіцца расол або слоікі.
Маласольныя агуркі не толькі смачныя, але і вельмі карысныя. Яны ўтрымліваюць, у прыватнасці, ацэтылхалін, які рэгулюе наш крывяны ціск. Яны таксама аказваюць дабратворны ўплыў на перыстальтыку кішэчніка. Акрамя таго, у маласольных агурках ёсць прабіятычныя бактэрыі, якія ўмацуюць наш імунітэт.
Таксама яны ўтрымліваюць вітаміны С, Е, А і К. Яны ўтрымліваюць таксама калій, магній, фосфарную кіслату і кальцый. І гэта нізкакаларыйны прадукт — усяго 11 кілакалорыяў на 100 грамаў (да прыкладу, у хлебе — 200 — 250 кілакалорыяў).
Як зрабіць маласольныя агуркі «насуха»?
Інгрэдыенты:
- паўтара кілаграмы агуркоў,
- тры сталовыя лыжкі солі,
- пучок кропу,
- шэсць вялікіх зубчыкаў часныку,
- тры лаўровыя лісты,
- прыправы на смак,
- тры дробкі перцу.
Вам таксама спатрэбяцца тры вялікія пакеты, якія можна завязаць (можна поліэтыленавыя, але не тонкія).
Гатаванне (у канцы будзе відэа, на якім паказаны ўвесь працэс):
- Старанна вымыйце агуркі, абрэжце канцы і размяркуйце іх пароўну на тры пакеты.
- Дадайце соль, нарэзаны кроп і здробнены часнык. Пакладзіце спецыі ў кожны пакет.
- Закрыйце іх і энергічна падтрасіце, каб усё змяшалася. Затым змясціце пакеты ў халадзільнік. Праз некаторы час падтрасіце іх зноў. Гэта гарантуе раўнамернае размеркаванне спецый.
- Пакладзіце пакеты назад у халадзільнік. Праз восем гадзінаў яны будуць гатовыя — але можна патрымаць іх болей.
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары
чаго?
гэта пэўна мне атветачка прыляцела за мой праваслаўны наезд на альшанскія неправаслаўныя агуркі?
3 не чаканага боку
да, Мад.?
а можа мне шчэ і па вашых вечна зялёных дарагіх памідорах прайсціся?
https://d2accbiqacj5y8.cloudfront.net/294095