Знойдзенае тлумачэнне ўсім бедам гэтага года: прычына ў рэтраградным Меркурыі
Меркурый у рэтраградзе — адзін з самых вядомых астралагічных феноменаў, які звязваюць з праваламі ва ўсім, што толькі можна сабе ўявіць. 2022 год багаты на такія перыяды, але — рыхтуйцеся — 10 мая акурат і пачнецца перыяд рэтраграднага Меркурыя.
Рэтраградным Меркурыем называюць такое знаходжанне гэтай планеты на небе, калі яна нібыта рухаецца назад, доўжыцца такі перыяд некалькі тыдняў. Але ж адваротны рух Меркурыя — толькі ілюзія, звязаная з тым, што на адным з этапаў арбіта планеты праходзіць блізка каля зямной. Тым не менш, аматары астралогіі звычайна ўлічваюць гэты феномен у планаванні сваіх спраў.
У гэтым годзе ім будзе складаней, чым звычайна, бо нас чакае ажно чатыры «рэтраграды» замест звычайных трох.
Бліжэйшы з іх адбудзецца недзе паміж 10 мая і 2 чэрвеня, піша Wall Street Journal.
Рэтраградны Меркурый часта выкарыстоўваюць як апраўданне для тых сітуацый, у якіх усё што можна пайшло не так.
Падобная гісторыя здарылася з жыхаркай Таронта Амандай Кацопулас, якая цікавіцца астралогіяй і знаходзіць такія сувязі. У лютым гэтага года, калі Меркурый быў у рэтраградзе, яна папярэджвала сваячку, што гэта не найлепшы час, каб ехаць да родных у Фларыду, але тая не хацела слухаць Аманду. Вынік — затрымка рэйса на пяць гадзін.
Яшчэ адна гісторыя: Джулія Лэм, адміністратарка гатэля ў Каліфорніі, распавядае, што адкладзе да канца перыяду рэтраграднага Меркурыя складаную размову з босам. Жанчына збіраецца прасіць яго пра павышэнне і стараецца падабраць для размовы як мага лепшы час.
Але ж не заўсёды пазбяганне перыяду рэтраграду аказваецца паспяховым. Жыхар амерыканскага Балтымора спадар Макманус пачаў у студзені разам з партнёрам шукаць новы дом, але ж з гэтага нічога не выходзіла. Макманус западозрыў, што справа ў рэтраградным Меркурыі, які тады якраз набліжаўся, і вырашыў часова прыпыніць пошукі.
Пасля таго, як у лютым рэтраград скончыўся, Макманус з партнёрам вярнуліся да пошукаў. Але ж і цяпер у амерыканцаў нічога не атрымліваецца, і яны вельмі спадзяваюцца не трапіць ужо пад наступны рэтраград, які пачнецца ў маі.
Вядома, што не ўсе ставяцца да Меркурыя ў рэтраградзе сур’ёзна. Шмат для каго гэтая гісторыя — добрая падстава пажартаваць і «скінуць» на Меркурый адказнасць за ўласныя правалы. Прапануем вам невялічкую падборку адпаведных жартаў з сеціва:
«Прабачце за ўсё, што я сказаў, пакуль Меркурый быў у рэтраградзе»
«Вітаю, Меркурый. Гэта я. Можна не цяпер?»
«Яны: як ты перажываеш гэты рэтраград? Я: …»
«Я: «Ха! Рэтраградны Меркурый зусім на мяне не ўплывае!» Таксама я: (смяецца), (плача)»
«Вы можаце ўжо выходзіць, рэтраградны Меркурый скончыўся!»
«Як ты перажываеш гэты рэтраград?» — «Проста цудоўна, а што?»
«Таксічныя людзі і твой былы падчас рэтраграднага Меркурыя».
«Як я прачнуўся сёння раніцай, ведаючы, што рэтраградны Меркурый скончыўся».
«Наша Ніва» аднаўляе збор данатаў — падтрымаць проста
Чытайце таксама:
«Прыйшла з пытаннем, ці буду я сядзець у турме». Беларускі расказалі пра свае паходы да варажбітак і астралогаў
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні33
Каментары