Беларускі банк трапіў пад новыя санкцыі ЗША праз прызнанне Расіяй «ДНР» і «ЛНР»
Беларуская «дачка» расійскага Знешэканамбанка (ВЭБ) БелВЭБ трапіла пад санкцыі ЗША, уведзеныя пасля прызнання Расіяй ЛНР і ДНР. Аб гэтым паведамляецца ў распаўсюджаным 22 лютага прэс-рэлізе Мінфіна ЗША.
22 лютага ўлады ЗША ўвялі абмежаванні ў дачыненні да банка ВЭБ і 25 яго даччыных прадпрыемстваў, уключаючы фінінстытуты, вуглездабыўчую кампанію ў Расіі і трох іншых краінах. У прыватнасці, пад санкцыі ЗША трапіла беларуская «дачка» ВЭБа — банк БелВЭБ.
Міністэрства фінансаў ЗША загадала амерыканскім кампаніям і асобам завяршыць аперацыі з расійскім банкам ВЭБ і яго даччынымі прадпрыемствамі да 24 сакавіка 2022 года.
Санкцыі па лініі амерыканскага Мінфіна звычайна азначаюць блакаванне актываў ў амерыканскай юрысдыкцыі і забарону на здзелкі для фізічных і юрыдычных асоб ЗША.
Нагадаем, у 2014 годзе БелВЭБ таксама закранулі сектаральныя санкцыі ЗША, уведзеныя супраць Расіі. Мінулыя санкцыі прадугледжвалі абмежаванні ў прадастаўленні доўгатэрміновага фінансавання з боку фізічных і юрыдычных асоб ЗША ў адносінах да даўгавых абавязацельстваў тэрмінам фінансавання больш за 14 дзён, нагадвае Zerkalo.io.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары