Віцэ-прэм'ер Петрышэнка прызнаў, што ў дзяржаўных СМІ праблемы з даверам чытача. А вось «іншыя крыніцы» знойдуць, чым яго зацікавіць
Намеснік прэм'ер-міністра Беларусі Ігар Петрышэнка на выніковай калегіі Міністэрства інфармацыі сказаў, што дзяржаўныя выданні павінны не толькі прасоўваць станоўчы кантэнт, але таксама аб'ектыўна асвятляць актуальныя пытанні жыццядзейнасці насельніцтва, піша агенцтва «Мінск-Навіны».
Петрышэнка адзначыў, што сёння самы важны капітал для любога СМІ — давер чытача.
«Але як зможа ўтрымаць аўдыторыю дзяржаўнае выданне, калі яно будзе абыходзіць вострыя куты, пазбягаць крытычных тэм, нязручных у тым ліку і для мясцовых уладаў, не чуць запыты сваёй аўдыторыі?» - запытаўся віцэ-прэм'ер і дадаў:
«Дзяржаўная прэса павінна не толькі прасоўваць станоўчы кантэнт, але і аб'ектыўна асвятляць усе актуальныя пытанні жыццядзейнасці насельніцтва».
Праўда, у сучаснай дзяржпрэсы з гэтым складанасці:
«Газета не павінна быць дошкай пашаны. Але, на жаль, сёння, чытаючы перыёдыку, такія матэрыялы не часта сустрэнеш на старонках дзяржаўных СМІ. Ігнараванне праблем, якія хвалююць людзей, выклікае недавер да дадзенага СМІ і, такім чынам, сыход да іншай крыніцы інфармацыі».
Іншыя ж крыніцы толькі і радыя гэтым скарыстацца:
«А там, вы гэта і самі ведаеце, знойдуць, чым зацікавіць свайго чытача».
І, маўляў, адсутнасць у рэдакцыі аўтарытэту зводзіць на нішто «ўсе намаганні па выбудоўванні працы» такога выдання. Асабліва калі трэба весці прапаганду напярэдадні рэферэндуму.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1515
Каментары