СМІ: Камера, дзе сядзіць Ірына Слаўнікава, абвясціла галадоўку праз невыносныя ўмовы. Родныя пацвярджаюць, што нават сродкі гігіены не змаглі перадаць
У СМІ з’явілася інфармацыя, што жаночая камера на Акрэсціна, дзе знаходзіцца журналістка Ірына Слаўнікава, абвясціла галадоўку. Прычынай называюцца невыносныя ўмовы: жанчынам не аддаюць перадачы і нібыта нават забралі лекі і зубныя шчоткі.
«Наша Ніва» звязалася з бацькамі Ірыны Слаўнікавай. Маці кажа, што пра галадоўку ў камеры інфармацыі ў яе няма.
Але перадачы Ірына сапраўды не атрымлівала, бо іх проста не бяруць — спасылаюцца на каранцін. Па той жа прычыне, да журналісткі не можа трапіць і адвакат.
Але мама Ірыны ўсё роўна збіраецца ехаць на Акрэсціна з перадачай, спадзеючыся, што возьмуць хаця б сродкі гігіены. «Паспрабаваць трэба», — уздыхае жанчына.
Журналістку Ірыну Слаўнікаву затрымалі 30 кастрычніка разам з мужам пасля вяртання з адпачынку непасрэдна ў мінскім аэрапорце. Абаіх асудзілі на 15 сутак за «распаўсюд экстрэмісцкіх матэрыялаў».
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары