Журналістцы Ірыне Слаўнікавай і яе мужу Аляксандру Лойку далі па 15 сутак
Іх судзілі за «распаўсюд экстрэмісцкіх матэрыялаў».
Адміністрацыйную справу супраць Слаўнікавай і Лойкі паводле арт. 19.11 КаАП («Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць») разглядаў суд Першамайскага раёна Мінска.
Ірыну Слаўнікаву і яе мужа Аляксандра Лойку затрымалі 30 кастрычніка па вяртанні з адпачынку з Егіпта.
Аляксандр Лойка распавёў падчас суда, што іх з жонкай затрымалі на пашпартным кантролі, закавалі ў кайданкі і нават не далі забраць багаж. Да суда ён быў на Акрэсціна ў двухмеснай камеры, дзе агулам знаходзілася 10 чалавек. Таму яму даводзілася спаць на падлозе. Аляксандру прапаноўвалі запісаць «пакаяльнае відэа».
Мужчыну абвінавацілі ў рэпостах (захоўванні) на старонках у Facebook трох артыкулаў за 2017, 2018, 2019 гады з сайта, які быў прызнаны ўладамі «экстрэмісцкім» у ліпені 2021 года.
Да Ірыны Слаўнікавай былі падобныя прэтэнзіі.
Ірына Слаўнікава з'яўляецца прадстаўніцай у Беларусі польскага тэлеканала, прызнанага беларускімі ўладамі экстрэмісцкім.
Крычаўскага журналіста Сяргея Няроўнага асудзілі за лайкі пад «экстрэмісцкім кантэнтам»
У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй21
Каментары