На пажары ў Лёзне загінуў намеснік начальніка Віцебскага абласнога ўпраўлення МНС
Стала вядома, што на пажары ў Лёзне загінуў намеснік Віцебскага абласнога ўпраўлення МНС Андрэй Мазоль. У яго здарыўся сардэчны прыступ.

Сёння падчас ліквідацыі пажару на льнозаводзе ў Лёзне адчуў сябе блага намеснік начальніка Віцебскага абласнога ўпраўлення МНС Андрэй Мазоль. Яму аказвалі тэрміновую дапамогу.
У 16:05 канстатавалі яго смерць.
Нагадаем, сёння здарыўся пажар на льнозаводзе ў Лёзне ў Віцебскай вобласці. З агнём змагаюцца 14 адзінак спецтэхнікі і тры дзясяткі ратавальнікаў. Плошча пажару складае каля трох тысяч квадратных метраў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Каментары