«Пакажы білет!»: Міхалок аблаяў і ўдарыў мужчыну на сваім канцэрце ВІДЭА
Публіка бурна адрэагавала на выхадку артыста. Гледачы сталі выкрыкваць абразы на адрас Міхалка і патрабавалі, каб той сышоў са сцэны.
Сяргей Міхалок аблаяў мужчыну, які выйшаў на сцэну падчас яго канцэрта ў Палтаве. Спявак ударыў невядомага і груба з ім размаўляў.
Падчас канцэрта, які даваў Міхалок, на сцэну выйшаў невядомы мужчына з гітарай. Спявак агрэсіўна адрэагаваў на такую выхадку і пачаў груба пытацца, ці ёсць у чалавека білет на яго выступ. Аказалася, мужчына не заплаціў за канцэрт Міхалка, што моцна раззлавала спевака.
«Пакажы білет! Як ты сюды трапіў, на шару?! Пакажы білет, я табе кажу», — пытаўся Міхалок у мужчыны.
Мужчына спрабаваў даць артысту грошы і сказаў, што цяпер яго могуць пабіць іншыя гледачы канцэрта. Гэта толькі яшчэ больш распаліла спевака, ён зноў аблаяў невядомага і пачаў хапаць яго за вопратку. Пасля гэтага Міхалок рэзка ўдарыў мужчыну сваёй галавой.
Навошта мужчына прабраўся на сцэну і што ён хацеў ад Міхалка — не паведамляецца.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары