Грамадства

Памёр кіроўца аўтобуса, які пасля выбараў быў паранены гранатай

Павел Сібілёў не дажыў да свайго 50-гадовага юбілею: яго не стала 10 кастрычніка. Пра гэта «Нашай Ніве» паведамілі яго родныя.

Да жніўня 2020-га Павел быў здаровым 48-гадовым мужчынам. Вечар 10-га жніўня цалкам перавярнуў яго жыццё. У той дзень Сібілёў завяршаў працоўную змену на аўтобусе №163. Але скончыць маршрут так і не выпала: аўтобус разам з іншым транспартам трапіў у затор.

Павел выйшаў абмеркаваць сітуацыю з калегам, як неўзабаве яму ў спіну прыляцела граната і гумовыя кулі. Пасля раненняў мужчына месяц правёў у ваенным шпіталі, перажыў перасадку скуры, атрымаў першую групу інваліднасці.

Неўзабаве пасля выпіскі з ваеннага шпіталя ў яго знайшлі анкалогію (рак галоўкі падстраўнікавай залозы, а таксама прастаты) — ён перасоўваўся па вуліцы выключна з кійком у руках.

«Паша вельмі мучыўся, але трываў і маўчаў. Вельмі рэдка прасіў дапамогі. Дактары зрабілі ўсё, што маглі, але анкалогію не перамаглі. Для нас пачаткам хваробы стала раненне. Лёс вырашыў так…» — каментуюць блізкія.

СК адмовіўся заводзіць справу па факце ранення кіроўцы ў яго ж працоўную змену.

Павел за працай да трагічных падзей. Фота з асабістага архіва

У Паўла засталося трое дзяцей: малодшы сын у гэтым годзе пайшоў у першы клас. Выказваем спачуванні родным і блізкім.

Да гадавіны выбараў мы рабілі інтэрв’ю з Паўлам:

«Гатовы аддаць усё, што ёсць, у абмен на здароўе».

Каментары

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Якія сімптомы паказваюць на рак кішачніка і што правакуе яго развіццё? Тлумачыць анколаг15

Затрыманні ў 2020-м, арышт у 2024-м, эміграцыя ў 2025-м. Гісторыя 21-гадовага беларускага «тэрарыста»2

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту5

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін14

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства3

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць