Прэпарат, зроблены з дапамогай ламы, паказаў добрыя вынікі на пачатковых іспытах.
Група навукоўцаў пад кіраўніцтвам брытанскага Інстытута Разалінды Франклін сцвярджае, што выраблены з дапамогай лам прэпарат мае патэнцыял дапамагаць ад кавіду.
Асноўны кампанент новай тэрапіі — нанацелы, то-бок маленькія і больш простыя версіі антыцелаў, якія арганізмы лам і вярблюдаў вырабляюць у адказ на інфекцыю. Калі прэпарат пройдзе тэсціраванне на людзях, яго можна будзе выкарыстоўваць у форме звычайнага назальнага спрэю. Лекі ад лам патэнцыйна могуць не толькі лячыць кавід, але і прадухіляць захворванне, калі заражэнне здарылася не так даўно, піша ВВС.
Пакуль што дзеянне прэпарата праверылі на грызунах. Жывёлы, інфіцыраваныя вірусам кавіду, цалкам ачунялі за шэсць дзён.
Служба грамадскай аховы здароўя Англіі ўжо называе новы спрэй адным з самых эфектыўных нейтралізатараў віруса кавіду, які быў пратэсціраваны ў гэтай структуры.
Каб атрымаць тыя самыя нанацелы, даследчыкі звярнуліся па дапамогу да ламы Фіфі, што жыве на ферме ў брытанскім універсітэце Рыдынга. Жывёле ўвялі маленькую і незаразную часцінку віруснага бялка, што прымусіла яе імунную сістэму вырабіць спецыяльныя малекулы. Пасля гэтага навукоўцы выбралі з крыві ламы патэнцыйна самыя эфектыўныя нанацелы, якія падыходзілі да структуры віруснага бялка нібыта ключ да замка. Нарэшце, даследчыкі размножылі гэтыя нанацелы ў лабараторных умовах.
Але ж чаму нанацелы такія эфектыўныя? Як і нашы ўласныя антыцелы, нанацелы ад лам прымацоўваюцца да вірусаў і бактэрый, што трапляюць у цела чалавека, і «пазначаюць» іх для астатніх элементаў імуннай сістэмы. Такая пазнака дапамагае імунцы зразумець, якія шкодныя агенты павінны быць знішчаныя. Што да новых нанацел, яны прымацоўваюцца да віруса кавіду асабліва моцна.
Чытайце таксама: 5 краін, што падчас пандэміі вяртаюцца да звычайнага жыцця і спраўляюцца лепей за Беларусь
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары