Міжнароднае рэйтынгавае агенцтва панізіла доўгатэрміновыя рэйтынгі па дэпазітах у нацвалюте яшчэ чатырох дзяржбанкаў.
У спіс агенцтва, як паведамляе Finmarket.ru, патрапілі «Беларусбанк», «Белаграпрамбанк», «БПС-банк» і «Белінвестбанк».
Доўгатэрміновы рэйтынг па дэпазітах у нацыянальнай валюце «Беларусбанка» паніжаны з узроўня «Ba1» да «B1», рэйтынг фінансавай устойлівасці пацверджаны на ўзроўні «Е+», прагноз па рэйтынгах «стабільны». Адзнака базавай крэдытнай падтрымкі «Беларусбанка» паніжаная да «B2» з «B1».
Доўгатэрміновы рэйтынг па дэпазітах у нацвалюте «Белаграпрамбанка» таксама паніжаны з узроўня «Ba1» да «B1», рэйтынг фінансавай устойлівасці пацверджаны на ўзроўні «Е+», прагноз па рэйтынгах «стабільны». Аналагічныя рэйтынгавыя дзеянні з такімі ж параметрамі агенцтва ажыццявіла ў адносінах БПС-банка.
Доўгатэрміновы рэйтынг па дэпазітах у нацвалюте «Белінвестбанка» паніжаны з «Ba2» да «B1», рэйтынг фінансавай устойлівасці пацверджаны на ўзроўні «Е+», прагноз па рэйтынгах «стабільны».
Дзеянні агенцтва адлюстроўваюць яго меркаванне адносна магчымасці ўладаў Беларусі аказваць дзяржбанкам падтрымку ў выпадку пагаршэння сітуацыі ў эканоміцы.
Нагадаем, што ў пачатку ліпеня міжнароднае рэйтынгавае агенцтва Fitch Ratings панізіла прагноз па рэйтынгах беларускіх дзяржбанкаў. У гэтым спісе апынуліся «Беларусбанк», «Белаграпрамбанк», «БПС-Банк» і «Белінвестбанк». Міжнароднае рэйтынгавае агенцтва панізіла рэйтынг для гэтых банкаў са «стабільнага» на «негатыўны».
«Негатыўны» прагноз адлюстроўвае здольнасць уладаў Беларусі, якая скарачаецца, аказваць падтрымку банкаўскай сістэме ў выпадку неабходнасці. Акрамя таго, прагноз па рэйтынгах прымае да ўвагі магчымасць прыкметнага пагаршэння самастойных фінансавых пазіцый банкаў у выпадку рэзкага эканамічнага спаду, памяншэння дзяржаўнай падтрымкі карпаратыўнага сектара і/ці наступнага прыкметнага паніжэння курсу беларускага рубля», - вядзецца ў паведамленні агенцтва.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным2
Каментары