Цэнтр імя Гамалеі, які распрацаваў «Спутнік V», гатовы стварыць новыя варыянты вакцын, калі існуючыя прэпараты не змогуць забяспечваць неабходную колькасць антыцелаў супраць новых штамаў COVID-19.
Пра гэта заявіў дырэктар цэнтра Аляксандр Гінцбург у інтэрв'ю тэлеканалу «Расія 1», піша РБК.
Ён адзначыў, што калі з'явіцца новы штам каранавіруса з рэзка змененай паслядоўнасцю S-бялку, то, імаверна, прыйдзецца выкарыстоўваць у барацьбе з інфекцыяй новыя варыянты вакцыны.
«Калі вектарная тэхналогія будзе зарэгістраваная, тады мы на зноў узніклыя пагрозы сапраўды можам адказваць на працягу тыдняў», — дадаў ён.
Па словах спецыяліста, у тых, хто вакцынаваўся «Спутнікам V», антыцелы валодаюць большай вірусанейтралізуючай актыўнасцю, чым у перахварэлых.
Каментары