Крыніцы: Палітычная амністыя магчымая, у органах ужо пачалі складаць спісы палітвязняў
Як стала вядома «Нашай Ніве», у атмасферы строгай сакрэтнасці пачалі складацца спісы асоб, якія могуць трапіць пад акт палітычнай аміністыі. Складаннем спісаў займаецца адзін са следчых органаў.
Усё робіцца ў атмасферы строгай тайны, працэс рэгулюецца дакументам, загнаным пад «ДСК» (для службовага карыстання).
Агульнага разумення, хто трапіць у спісы, пакуль няма. Нам вядома толькі пра юрыдычную «драбязу» — напрыклад, у спісы дакладна ўключылі людзей, асуджаных за нанясенне надпісаў.
«Складанне гэтых спісаў не азначае, што яны будуць рэалізаваныя, але рэчы паказваюць на тое, што палітычная амністыя можа быць», — патлумачылі нам абазнаныя.
Гэта суадносіцца з інфармацыяй аб тым, што «палітычным» пачалі прапаноўваць пісаць пакаяльныя лісты і ў месцах адбыцця пакаранняў, і нават у СІЗА.
Станам на 15 чэрвеня ў Беларусі 481 палітвязень, многія з тых, хто знаходзіцца ў ізалятарах і ў калоніях па палітычных прычынах, яшчэ такімі не прызнаныя.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага15
Каментары